Tiretio Te Tai ae Tauibukinte Tiretio
E maeka te tia korokaraki i North Lanarkshire, Scotland.
N tabetai e namakinaki kanga ai aron ae e aki raroa nako karawa.
N te taina, au tia Kairiiri irouia Ataeinaine a reireiniira taekan te tai ae onoti ngkana ko rang namakina te Tamnei ao n namakina kaanim nakon te Atua. A araniia “Te tai ae tau ibukin te Tiretio,” te kibu n taeka e bebete are e waekoa uringakina. Irou, I ataia raoi bwa tera te “te tai ae kimototo n te Tiretio” bon; N na namakinna mai mwaina, n aron ngke ko namakinna n mwaitina ae rang uarereke ke katongana bwa tera aron te maiu n te abanuea ae te tiretio. Ao I a tia ni karekei mwaitin te tai ae kimototo aei!
Imwiin tian ara tia kairiiri n kabwarabwara te iango, ti bane n nako tinaniku. E otanako otan taai rimarenan aroka. Ti kainii matara. I namakina taai iaon moamoau ma karen te ang ae abuee. Mannba a anene ao aroka a mwaeiei n te ang ngke ti kukurei n ana karikibwai te Atua. Anne bon te tai ae kimototo ibukin te Tiretio.
Teuana te tai I karekea te tai ae kimototo n te Tiretio imwin bwabetitoakin raraou. Ngke ti oki n nakonako nakon te Umantabuibukin kabanean te taromauri, e anaa baiu ao e taekina aron tamaroan ara iraorao ao e teimatoa—riki n akea tokina. N na bon aki mwaninga anne. I bon ingainga ao ni kukurei ao ni kakaitau.
Te ririki ke are imwiina, ti a karekea te ikotaki n namakina te kukurei riki anne teuana tai ngke ti tei n te tabo ni bwabetito ni mataku iroun tinana ngke e rin n te ran ni bwabetito. Ikekei e katobibiaki n te tamaroa ni kabane.
Tao te tabo ae tamaroa ni karekei taneiai akanne bon inanon ana auti te Uea. Te moan tai are I rin te Tembora, I kakabwaiaaki n rin ma au karo ao tariu. I bwabetitoaki ibukin tibutoru te unaine, ao I namakinna bwa e rang kukurei.
Te tai ae kimototo n te Tiretio e kona n riki n taabo nako ao n taai nako—n ongorau n nakon te katangitang ke n tain bootakin te utu n te tairiki ke n te reirei. I uringa bootakin te utu n te tairiki teuana ike ni kabane ngaia aki toki ngareia. Anne bon teuana au tai ae I tatangiria.
Te tai ae tauibukin te Tiretio e a tia ni kakorakora au koaua ao ni buokai n karekea riki kukurein tamneiu. A tia n reireinai reirei aika tamaroa. Riki ngaiia, a tia ni kakukureiai ao n ingainga n taekan te euangkerio! I ataia bwa ngkana I reitinako n rineia n maiuakina te euangkerio, ni kabane tamaroa, kakukurei, te rau ao te tangira I namakinna ni katoaa te tai ae kimototo n te tiretio e na riki bwa te bwai ae I kona n namakinna n taainako—ni mwaitin korakoran baireana—n abanuean te tiretio.