Te atatai n oota man te Doctrine ao Covenants taekante Tama ao te Nati

Iroun Norman W. Gardner

Tieminari ao Intitute

Te naan kaotioti n te boki aei a kaotii koaua ake a bua n taekan taian Atua bwati na kanga ni manga kona ni maeka ma te Tia Kamaiu ao Tamara i Karawa.

Tamnei

First Vision

Te Moan Kaotioti, iroun Walter Rane; baekuraaun © iStock/Thinkstock

Manga Kaokan te euangkerio e a tia n anganaki te aonaaba te atatai ibukin te riki n Atua ao Aia mwakurinako. Ma te atatai aio, ara onimaki Irouiia e rikirake nanora ni kawakina Aia tua.

E nanonaki ikai bwa, te Doctrine ao Covenants e buokiira n reiakina taekan Iesu Kristo ibukina e reirei mwaakan koaua n aron “Mimitongina, Ueana, Kororaoina, Ana tangira, ao Mwaakan Ana Kabomwii” (te kabwarabwara nakon te Doctrine ao Covenants). Te boki aio ni kaotioti aika boou ni ikotaki ma ana kakao te Uea n “reirei arou, ao n ongo nakon au taeka” (D&C 19:23). E kona nnano ara atatai Irouna, tera irekerekera ma Ngaia, tera ae E karaoia ibukira ni kabomwi, ao tera ae E kantaningaia mairoura.

Inanon te Doctrinne ao Covenants, ti kona n ongo bwanaan Iesu Kristo

Iotebwa Timiti e karekei kaotioti aika mwaiti mairoun te Tia Kamaiu.

Te Doctrine ao Covenants bon tiaki koroboki aika tabu n taai ngkoa ma kanoana kaotioti are anganaki Iotebwa Timiti ao naake a taua ngkoa imwiina n ara tai n te aonaaba ae boou. Iesu Kristo mairoun te Atua e ongo bwanaana n taetae ngke e tei mairoun te Tama.¹ Te moan-aomata n bwanaan te Uea Iesu Kristo e koreaki riki n ae mwaiti inanon te Doctrine ao Covenants nakon n te Nu Tetemanti, Ana Boki Moomon, ao Pearl of Great Price ai ikotaki.²

D&C 18:33–35 “Ngai, Iesu Kristo, am Uea ao Atuam, e a tia n taekinna. Taeka aikai tiaki aia taeka aomata … , ma mairou; … bon bwanaau are e taekinaki nakoimi.”

Te Doctrine ao Covenants kanoana rongorongoia koraki ake a noora te Atua

Iotebwa Timiti ao Oliver Cowdery a noora Iesu Kristo inanon te Kirtland Tembora.

Imwin rokon te Moan Kaotioti n te 1820, te ataeinimwaane ae Iotebwa Timiti e karekea te atatai ni kaotin te Tama ao te Nati. Te Doctrine ao Covenants e taui mwiin rakan banna ni katooto ake a koaua n aekakin taai ngke te Burabeti ao tabeman a noora te Tama ao te Nati inanon te mii ni burabeti ke ni kaoti n aomata. Koroboki aikai a riki bwa kakoaua n taai aikai ibukira bwa A maiu ao A kaira Kaokan te euangkerio.

D&C 76:19–23 Te Tama ao te Nati a nooraki n te mii ni burabeti ni Beberuare 1832.
D&C 137:1–3 Te Tama ao te Nati a nooraki n te mii ni burabeti n Tianuare 1836.
D&C 110:2–4 Iehova ae kakannato, Iesu Kristo, e kaoti n Eberi 1836.

Te Doctrine ao Covenants e buokiira n reiakina taekan te Atua te Tama

Ngke e karebanaaki ni karokoa e mate, Tetebano e noora te Tama ao te Nati.

Iotebwa Timitii e reirei: “Ngkana ti oota n tamaroan te Atua, ao ti ataia bwa ti na kanga n Nakoina, E moana kaukan karawa nakoira. … Ngkana ti a tauraoi n roko Irouna, E tauraoi ni kawariira.”³ Te Doctrine ao Covenants e buokiira ni kaniira nakon Tamara i Karawa man reireiia taekan Arona, tamaroana, ao bukin ana mwakuri.

D&C 20:12, 17–18 Te Atua te Tama bon akea tokina ao e aki bibitaki.
D&C 76:20, 23 Te Tama ao te Nati aomata aika maenako ao a kaokoro n aroia.
D&C 93:3–5 Te Tama ao te Nati ti temanna.
D&C 130:22 Te Tama ao te Nati iai rabwataia irikoia ao riia.
D&C 138:3–4 Tamara i Karawa e tangiriia Natina, ngke E kanakoa Natina ni kamaiuiia aomata.

Te Doctrine ao Covenants e buokiira n reiakina taekan Iesu Kristo

Iehova (Iesu Kristo) e taetae nakon Mote n itaramata

Iesu Kristo bon te Moan Buangiaki ibuakoia naatin Tamara i Karawa aika naati n tamnei. N te maiu imwain te maiu aei, Iesu e karekei ni kabane atatai ao mwaaka ao e tei imwin te Tama n aron te Tia Karika te aonaaba. Rinanon Mwaakana ae akea tokina, te Uea Iesu Kristo bon oin te ota ao te maiu ibukin Ana karikibwai ni kabane. Te Doctrine ao Covenants e kamataata mwaitin Ana mwakuri n ana babaiire te Tama.

D&C 93:21 Iesu Kristo bon te Moan Bungiaki ibuakoia naatin te Atua aika naati n tamnei.
D&C 38:1–3 Iesu Kristo e karekei ni kabane atatai ao mwaaka imwain karaoan te aonaaba.
D&C 76:24 Iesu Kriisto e tei ibukin te Tama n aron te Tia karika te aonaaba.
D&C 88:6–13 Iesu Kristo bon oin te ota ao te maiu ibukin Ana karikibwai ni kabane.
D&C 45:11; 136:21, 22 Iesu Kristo bon Iehova ae kakannato n Te O Tetemanti.
D&C 43:34 Iesu Kristo bon te Tia Kamaiua te aonaaba.
D&C 18:11–13; 20:21–25 Iesu Kristo e karawawataaki, e tauraki iaon te kaibangaki, e mate, ao ni mangauti.
D&C 29:10–12 Iesu Kristo e berita bwa e na manga oki nako aon te aba ma te mwaaka ao te mimitong.

Te Doctrine ao Covenants e buokiira n reiakinna bwa tera ae a kantaningaia te Tama ma te Nati mairoura

Rinanon kaotioti n taai aikai, ti kona n reiakinna bwa ti na kanga n riki n ai aron te Tama ao te Nati.

E raka nakon tabeua booki aika tabu, te Doctrine ao Covenants e katerea ni mataata tera te maiu ae akea tokina bon: te oki ni maeka ma te Tama ao te Nati, ni karekei ni kabane bwaai ake iai roun te Tama, ao n riki n ai Aroia. E tuangiira naba e kanga Iesu Kristo, rinanon Ana Mwakuri ni Kamaiu, e kakoroa nanon aei ao tera ti kainanoia ni karaoia ni kakoroi bwaai ake tangiraki ae E a tia ni karaoia. Irarikin anne, ti reiakina n te Doctrine ao Covenants bwa tera ae nanonaki n rimwiiin ana banna ni katooto, ngke, n arora, Iesu Kristo e aki karekea ae bwanin mai mwaina ma e karekea te akoaki ibukin te akoaki ni karokoa E karekea ni kabane te mwaaka ao te mimitong.

D&C 1:32; 19:16–19; 58:42–43; 95:1–2 Te Tia Kamaiu e anga kabwaraan buure nakoia ake a rairinanoia.
D&C 20:37, 41, 72–74; taraa riki 33:11 Nakoa n Atua e kaoiia koraki ake a kakoaua ni karekea te bwabetito ao te Tamanei ae Raoiroi.
D&C 84:19–21 Rinanon te otenanti n te nakoanibonga ae te Merekitereka, mwaakan te aron atua e kaotaki.
D&C 93:12–14, 16–17 Iesu Kristo e karekea te akoaki ibukin te akoaki ni karokoa E karekea ae bwanin.
D&C 20:30–31 Te Tia Kamaiu e anganiia te akoaki nakoia koraki ake a tangiria ao n toro Irouna.
D&C 35:2; 50:40–43 Ti kona n ikotaki n ti teuana ma te Tama ao te Nati.
D&C 93:19–20 Ti kona ni karekea mimitongin ao bwaninin te Tama.

Te Doctrine ao Covenant e anganiira te banna ibukin karekean te atatai n tamnei.

Te kamatebwai ao te tataro e kona ni kauka te atatai n tamnei.

N ikotaki ma reiakinan ao kakoauan te Tama ao te Nati, te Doctrine ao Covenant e anganiira te banna ni karekea te atatai n tamnei n taekaia ni kabane kain te ekaretia n aro n Atua rinanon ana ibuobuoki te Tamnei ae Raoiroi: kamatebwaia ana taeka te Uea, bubutia te Tama i Karawa ibukin te oota, ao kamwakuran onimakinan Iesu Kristo man te ongeaba ni kawakin Ana tua.

Te ota ao te koaua a beritanaki nakoia ake a maeka nakon ana taeka te Uea ni kabane. E rang kakawaki reiakinan taekan rikiia n Atua ao Aia mwakuri. Te rabakau e kona ni kairiiri nakon te beku mwaaka ni ukoura te atatai n tamnei ao matoan te koaua. Te atatai aei e kakoaua ibukira bwa te Tama i Karawa ao Iesu Kristo a kinaira n onoti, bwa A tangiriira, ao bwa A tangiria ni kakabwaiara ma te maiu ae akea tokina.

D&C 6:5; 76:5–10, 114–118 Tamara are i Karawa e tangiriira ni bubuti ibukin te atatai ao te berita n tibwauaia.
D&C 84:43–48 Te Tama e reireiniira ngkana ti anga nanora ni koaua nakon Ana taeka.
D&C 88:118 Ukora te reiakinaki man te kamatebwai ao man te onimaki.

Ni kainana

Iotebwa Timiti e kaota aroia ao aia mwakuri te Tama ao te Nati.

Te Doctrine ao Covenants e buokiira ni kairiira nakon Tamara i Karawa ao Natina te Riki temanna, Iesu Kristo, man kaotakin Aroia ao Aia mwakuri. Te Burabeti Iotebwa Timiti e taekinna ni kakimototoa bukin tera ti kona n kakoaua ao ni kataan iroun te Atua: “Ana mwakuri Atuara e rietaata, Ana tangira ae aki kona ni baireaki, Wanawanana akea tokina, ao mwaakana akea tiatianakina; ngaia are, Aomata aika itiaki a na karikiia nakon te kakukurei ao a na riki ni kukurei, n ataia bwa ‘te Atua aei bon Atuara n aki totoki’ (Taian Areru 48:14).”⁴