Au Taitai Fou o le Ekalesia

Sa faafeiloaia e tagata o le Siteki a Apia Samoa o le Au Paia o Aso e Gata Ai ia taitai fou ia Fepuari o le tausaga nei.

Sa faatulagaina le au peresitene o le siteki e Elder O. Vincent Haleck o le Au Peresitene o le Eria o le Pasefika a le Ekalesia. Sa la faatasi ai ma Elder Meliula Fata, o le Fitugafulu Eria.

Sa valaauina ia Denny Fa’alogo e avea ma Peresitene o le Siteki a Apia Samoa, faatasi ai ma Spencer Tautu o le Fesoasoani Muamua, ma Ierome Vaoliko le Fesoasoani Lua.

Sa fofogaina ai foi taitai fou mo le Siteki a Upolu Samoa Tafuaupolu o le Ekalesia a Iesu Keriso o le Au Paia o Aso e Gata Ai.

O le susuga a Elder O. Vincent Haleck, Peresitene o le Eria a le Pasefika o le Ekalesia a Iesu Keriso o le Au Paia o Aso e Gata Ai, na faia lea faasilasilaga i Upolu i le aso 21 Ianuari, 2018.

O le peresitene fou o Farani Loto, faatasi ai ma Ropeti Tiafau o le fesoasoani muamua, ma Tauati Luteru o le fesoasoani lua.

Ua suitulaga lea au peresitene fou ia Peresitene Harry Fa’afeu Finau ma ona fesoasoani e toalua, o Peresitene Faataui Sio Faleagafulu ma Mahonri Moriancumer Sio.