Faiaoga Lakapi: O le Aotauina o le Ki Lea i le Manuia

O se pea o seevae faigaluega ua masaesae, o le pa’u i luga o tamatamaivae ua mafuga ma palapala mai le galue malosi i ona lima ma tulivae, o se faatusa o lenei alii galue malosi i le faapipiiina o mea tau fola. O se faatusa maoae naua, lea na ia afifiina ai ni pea se lua ma avatu i ona atalii matutua mo le Kerisimasi. Sa talosagaina e Tevita Akau i la’ua ia tulai a’e ia sili atu i lo ia ma le olaga na ia iloa a o tamaitiiti.

E tele isi auala mo tagata Polenisia e malaga atu ai i Amerika e ese mai i lo taaloga ma le lalolagi faatautava o lakapi, na tautino mai ai se tagata sa taalo lakapi o le au Lakapi a le atunuu o le 19 tausaga ma lalo ifo a Toga.

O Akau, 46, o Syracuse, o se tausoga lona tolu o Tom Sitake, o le tama o le faiaoga lakapi o le BYU o Kalani Sitake, o le Vaega muamua o le lakapi numera 1 o faiaoga lakapi e tupuga mai Toga. O Akau o se uso vaetama o Star Lotulelei, le tama o se tasi sa i ai i le au a le Utah All-American ma le taamilosaga muamua a le NFL i le igoa lava lea.

Sa ola ae Tevita i se fale lauvao i le nuu o Fahefa i Tongatapu, le motu autu o Toga. Sa mativa o ia. Sa le tagolima ona matua. O i latou o ni tagata faatauvaa, matitiva ma sa tauivi, peitai sa mafai e Tevita ona taalo lakapi. O ia o se alii lapoa, malosi ma saoasaoa ma sa taalo i le ogatotonu i le kuata-tolu, loka ma le uigi. Sa taalo o ia i le au lakapi a le atunuu o Toga i le 1989 lea sa siamupini. Ina ua maea le faauuga a le aoga i le 17 o ona tausaga, sa auai o ia i le Ekalesia a le AAG i le 1989, ma sa faato o ia e lona ama, o se Metotisi malosi a’ia’i, ona o lena mea.

Sa alu ia Akau ua nonofo faatasi ma Makaa’fi Lotulelei ma lona aiga e na o ni nai maila le mamao i le nuu o Tokomololo, lea sa faaauau ai pea ona ia taalo lakapi, ona ia taliaina lea o se valaauga e avea o se faifeautalai Mamona. O lana galuega faamisiona na alu ai i le motu itiiti o Lofanga, sa nofoia e tagata e 200. O iina, sa ia papatisoina ai Mesi Sitake ma lona atalii o Folau i le 1992. O Mesi o le uso o le tama o Tom Sitake, le tama o le faiaoga lakapi a le BYU.

I le 1998, na malaga ai Akau ma le aiga o Lotulelei e nonofo i le Iunaite Setete. Sa naunau lava o ia ma lona uso fai o Star e sailiili mea fou. O le taimi lena, ua oo ina iloga le atalii o Star e igoa ia Star i le lakapi a kolisi, sa avea o se alii autu o le laina puipui o le au a le Utes ina ua mavae sina taimi i le Kolisi a Snow. i le 2013, sa ia sainia ai se konekarate e $9.6 miliona ma le Carolina Panthers.

Ina ua mavae ona toai taunuu i Iuta, sa feiloai Akau ma lona toalua o Lesieli i le lotu. E lei pine ae faaipoipo i la’ua ma e toalima le la fanau. Sa amata ona ia faigaluega i galuega faufale. Ae peitai na pupula ona mata. Afai e moomia le manuia o le la fanau i lenei lalolagi ma o ese mai le mativa, ua tatau ia te ia ma Lesieli ona faia se fuafuaga e le aofia ai ia taaloga. Sa la faamalosia le la fanau ia suesue, o i le kolisi, ia a’otauina. O le vaega aupito sili lea.

“E matuai faaamuia lava ia Kalani (Sitake) ona o avanoa sa ia maua. Ua manuia o ia ma ua laki foi,” o le tala lea a Akau, o le sa faaavanoaina sona taimi i lenei vaiaso mo se faatalatalanoaga i se faleaiga e lata i se galuega i le fauga o le Falemai Faaitulagi o le Vanu o Iuta i Provo. “O Star o se toatasi mai se miliona ua ausia le NFL. O aoaoga ua na o le pau lea o le ala mo le toatele e mafai ai, e o ese mai ai.”

O le afafine matua o Akau o Kesia, e le o toe mamao ona faauu lea mai le Iunivesite o Iuta i le muai laasaga faafomai. O ana fuafuaga o le alu lea i le aoga faafomai, ma avea o se fomai fatu.

Sa faamatala ma loimata e Akau le mea sa ia maua mai lona atalii o Tevita mo le Keirisimasi.

Sa afifi i totonu o se tamaimaile meataalo. O se tusi ua talia o ia i le Inisitituti lauiloa o Massachuetts o Tekinolosi i Boston.

Sa ta’u atu e taitai o le MIT ia Tevita o ia o se uluai tagata aoga mai le atu Polenisia ua taliaina i le aoga, o le uluai Toga. O lea tusi sa faamalo atu ai ia Tevita ma faapea atu, o lana tusi talosaga o se tasi o talosaga aupito faamalieloto na iloiloina e le komiti e taliaina, ma o se vaega o tagata talosaga aupito tauva i le talafaasolopito o le MIT.

I le MIT, ua faamoemoe Tevita le atalii lona lua o Akau e suesue ai mea tau enisinia o vaa o le ea, enisinia faaeletise, ma enisinia faavailaau o le tino.

O le mitamitaga o lona tama i lana fanau mo lo latou taliaina o le lu’i e galulue, ua lofituina a o ia talanoaina lenei avanoa. Ua ootia lava o ia, maua le lotofaafetai, ma ua faalotomaualaloina. O lona atalii, o se sinia i le Aoga Maualuga a Syracuse, ua faauu mai le Weber State ma sona tikeri amata [associate] i le 16 o ona tausaga a o i ai o ia i lona tausaga tolu i le aoga maualuga.

“Ua ou matua mitamita lava ia te ia. O au lava ia, sa ola ae i se motu itiiti ma sa ola mativa naua, sa ou alu i se aoga a le malo, o le Kolisi o Toga. Ma o le galue ina ia oo ai iina, e pei a ta maua se miliona tala. O se matuai mea faigata le sueina o o’u pili aoga,” o lana tala lea.

“Sa i ai lo’u faafitauli ma lo’u tama. O le ekalesia Uesiliana Metotisi i Toga ma le Ekalesia AAG e feitagai. Afai e te liliu i le Ekalesia AAG, latou te faatoina oe, tusa lava pe alolofa ia te oe. O se faaiuga faigata tele i aiga ona fai iina. Sa agalelei le aiga o Lotulelei ia te au ma taliaina au.”

Ina ua taunuu Akau i Amerika, sa ia iloa le laki o fanau o i ai i le Iunaite Setete.

“Aemaise i tagata Toga. Latou te maua uma avanoa i le lalolagi. Sa tonu ia te au, mo la’u fanau, o le a latou taaalo i ni taaloga. O au o le tupulaga muamua i lo’u aiga ua sau i le Iunaite Setete. Ia te au lava ia, ua ou manao e faamuta le tauiviga faigata a lo’u tama ma lo’u tina. La te lei o lava i se aoga, e oo lava i se a’oga tulagalua. Sa vaaia e o’u uso ma tuafafine e na o le aotauina lava e mafai ai ona matou manuia ai.

“Sa tonu ia te au e aveese mai lo’u aiga mai le Aai o Sate Leki i le Itu i Sisifo,” o le tala lea a Akau. “Sa ou manao ia ou mamao ese mai le gasu i le nuu o Toga, o se sosaiete faaagafesootai ua tonu ai i le toatele o tagata e aua nei o ese mai ai. O le mea sa ou mafaufau i ai e aveese mai la’u fanau ae ave i o, ia mafai ai ona latou faamuamua le a’oga.” Ina ua ia afifiia ona seevae faigaluega tuai e fai ma meaalofa o le Kerisimasi i ona atalii toalua, sa ia ta’u atu ia i la’ua, e manao e faamuta lenei tulaga faigata mai le aiga.

“Sa ou fanau i se faleoo e ato i launiu. Aua nei galo lena mea,” sa ia fai atu ai ia te i latou.

“O i le a’oga ma a oo ina outou manuia, toe foi i Toga e fesoasoani i tagata.”

O taaloga o se faitotoa tele mo tagata Polenisia i Amerika. Mai aoga pito i luga e toa 10, ua faatulagaina ai tagata taaalo lakapi e le Rivals.com, e silia ma le afa o tagata Polenisia o e ua tautino atu e taaalo i aoga e pei o Alabama ma Uosigitone. Ua foliga susulu mai lo latou lumanai.

Ae o loo i ai foi se isi ala.