O le a le meaalofa o le iloatino?

O loo talanoa mai tusitusiga paia e uiga i le “iloaina o agaga” o se meaalofa o le Agaga (1 Korinito 12:10; MF&F 46:23). O lona uiga “ia malamalama pe iloa se mea e ala i le mana o le Agaga. … E aofia ai le muai iloa o le uiga moni o le tagata ma le pogai ma le uiga o faaaliga faaleagaga” (Taiala i Tusitusiga Paia, “Iloatino, Meaalofa o le,” scriptures.lds.org).

Ua aoao mai Elder David A. Bednar o le Korama a Aposetolo e Toasefululua e faapea, o le meaalofa o le iloatino e mafai ona fesoasoani tatou te (1) “iloa ai mea sese natia ma mea leaga o loo i ai i isi,” (2) “iloa ai mea natia ma mea leaga o loo i ai ia i tatou lava,” (3) “maua ma aumai ai i luma mea lelei atonu o loo natia i totonu o isi,” ma (4) “sue ma aumai ai i luma mea lelei atonu o loo natia i totonu o i tatou” (“Quick to Observe,” Liahona, Tes. 2006, 19).