Olsem Wanem Blong Raetem Daon wan Résumé iven sapos yu nogat inaf Eksperiens

Nomata ol Jos koling we yu bin gat, janis hem i we, i gat ol wok mo ol skil we yu bin lanem we yu save putum insaed long résumé blong yu. Mekem wan lis blong ol wok we yu bin mekem long wanwan koling blong yu mo raetemdaon hamas taem nao yu bin mekem ol wok ia mo hamas man i wok wetem yu.

Nekis samting, krietem “ol ripot long wanem yu winim.” Hem i ol sot toktok we i tokbaot wanem nao yu bin winim long taem blong koling blong yu. Bae oli kamaot long ol lis andanit long wanwan eksperiens yu bin mekem.

Statem wanwan toktok wetem wan “aksen veb”—ol strong veb olsem lukluk long hem, mekem i kam gud, tijim, mo sam moa.

Hemia i ol toktok long ol samting we yu bin winim folem ol defren koling mo ol wok we i stap, ol samting we i hapen oltaem, mo namba blong olgeta we oli wok wetem yu long koling ia:

• Sapos wan tija:

  • Rere long lesen evri wik tru long stadi olgeta lesen buk mo olgeta skripja mo karem kam tugeta ol tul mo ol eksperiens blong yuwan.

    • Blong mekem ol samting oltaem, listimdaon hamas taem nao yu bin mekem ol wok ia—evri wik, tu taem long wan manis, mo sam moa.

  • Tijim wan klas we i gat sikis man long hem 14‑ kasem 16 yia evri wik blong 50 minit.

    • Saes blong klas mo ol man we oli stap long klas i dipen long koling blong yu.

• Sapos yu stap long wan presidensi:

  • Krietem mo winim ol gol blong yu blong wan manis mo ol gol we i blong wan longfala taem blong grup.

  • Lukaotem ol nid blong 30 memba long oganaesesen ia.

  • Trenem ol lida mo ol tija long ol wok blong olgeta.

  • Planem mo oganaesem ol aktiviti evri manis blong 26 pipol.

  • Krietem mo folem bajet blong evri manis.

• Sapos wan daerekta blong miusik program.

  • Oganaesem miusik program blong evri wik.

  • Putum gud spesel miusik namba we ol memba blong kongregesen i givim.

  • Planem ol miusik program blong ol holidei mo ol aktiviti.

• Sapos yu sevem wan ful taem misin:

  • Planem mo winim ol gol blong evri wik mo ol longfala gol blong tij mo ol gol blong mekem yuwan kam gud moa.

  • Tijim 16 man, woman mo grup evri wik long olsem wanem oli save mekem laef blong olgeta kam gud tru long hao oli save yusum wanem oli lanem mo stadi long hem.

  • Sapos yu trenem wan niu misinari: Trenem mo givim kaonsel long niu misinari long hao blong tij mo folem gud taemtebol blong misinari.

  • Sapos yu wan sista trena, distrik, o zon lida: Yu lukaotem blong mekem ol misinari oli wok, jekem wok blong olgeta, mekem ol ripot blong progres, mo stap lukaot gud long 14 misinari.

  • Sapos yu go long wan defren kantri: Stap long [kantri ia] blong [hamas yia] mo save gud kalja blong olgeta.

  • Sapos yu toktok wan defren lanwis, mekem notse yu mas toktok lanwis blong olgeta taem yu stap long ples blong olgeta.

  • Ol eksampol ia oli jeneral, be blong tokabaot moa long wanem yu winim mo wanem yu gud long hem i moa gud.

Ademap long lis blong ol koling blong yu mo ol samting we i go wetem wanem yu winim long résumé blong yu. Blong mekem ol koling blong yu i go stret wetem résumé blong yu, yu nid blong mekem sam jenis long wanem wok nao yu stap aplae from.

Ol wok, oltaem i gat ol stamba toktok long hem. Ol stamba toktok ia i blong kampani we i stap lukaotem man blong wok long hem, mo yu wantem blong mekem sua se ol stamba toktok ia bae i stap long résumé blong yu. Yu wantem tu blong putum ol koling we i go wetem wanem wok nao kampani i lukaotem. Sapos yu stap aplae blong kam wan asisten blong wan man, ol samting we yu nid blong putum i skil blong yu blong oganaesem samting, o spos yu stap aplae from wan tija we i tekem ples blong wan nara tija, listim ol koling we yu bin wan tija long hem.

• Listim ol koling blong yu andanit long “Eksperiens blong Volontia”

• Listim oganaesesen olsem “Jos blong Jisas Kraes blong Ol Lata-dei Sent.”

• Listim nem blong koling olsem wok blong yu;

• Yusum ol toktok we oli yusum oltaem olsem kongregesen be i no wod o branj mo ol aktiviti blong yut evri wik be i no Miutuol.

• Tokbaot ol oganaesesen we ol pipol oli no luksave.

  • Eksampol, tokbaot Rilif Sosaeti olsem wan oganaesesen blong ol woman raon long wol. Yu save talemaot se Rilif Sosaeti blong wod o branj blong yu hem i wan lokol grup o japta blong oganaesesen ia.

Yu save yusum ol prinsipol we i stap andatap blong luksave ol skil mo eksperiens long ol narafala volontia wok, ol wok, mo ol aktiviti yu bin mekem. Hem i impoten blong soem defren eksperiens we i go wetem wok we yu wantem aplae from. Mekem se, wetem ol koling blong Jos blong yu, traem blong putum fulap eksperiens we i go wetem wok we yu wantem aplae from long résumé blong yu. Iven sapos yu no luk save naoia, be yu gat fulap blong givim, yu no tingting daon long yuwan.