Mi plei volibol, resis, mo rid plante Sapos mi save spendem wan dei blong mekem eni samting, ating bae mi go long solwota.
Mi bin bon long Jikago, Ilinoa, be mi bin kam long Nauvu taem wan famli i lukaotem mi. Mi no tingbaot tumas abaot laef blong mi bifo taem mi stap wetem famli ia, be wanem we mi tingbaot se mi no filim sef. Taem oli putum mi wetem wan famli blong lukaot long mi, mi bin filim sef. Mi laekem blong gat gospel. Sam long ol fren blong mi oli stap long sam situesen we i fraet from oli no wantem folem ol standet blong mifala. Mi save se blong folem ol komanmen i mekem mi sef.
I bin wan top eksperiens blong faenem famli blong mi. Mama blong mi i bin kam long skul we mi stap go long hem from hem i stap help blong tekemples blong tija we i no kam. Hem i bin pleple wetem mi, mo hem i talem long wan long ol tija se hem i wantem blong tekem mi hom, from mi bin wan naesfala pikininii. Tija ia i talem se, “Hem i stap blong oli adoptem hem, “ating i stret!” Mama blong mi i stat wok long hem mo adoptem mi mo tufala brata blong mi. Hem i top from mi save filing blong hem i olsem wanem blong nogat wan famli, mo hemia i mekem se blong gat wan famli i moa spesel