O Leo o le Au Paia o Aso e Gata Ai
I ai Iinei Mo se Mafuaaga
E alofa le Tama Faalelagi ia i tatou ma e finagalo e faamanuia i tatou, o nisi taimi i auala tatou te le faamoemoeina.
Ata pue o tusi mai le Getty Images
Sa ou alu i lau misiona i Netherlands ma Peleseuma mo le silia ma le tausaga ina ua valaauina au e lou peresitene o le misiona e faailoa mai ia te au o le a ou siitia atu i se eria fou.
Sa ia tau mai ia te au le mea o le a ou alu i ai ma pe o ai foi lau soa ma faafetai mai mo lou naunau e auauna atu. Sa ou faamoemoe ou te alu i se eria ese, ae sa ou alu atu i le isi itu o le atunuu i la’u eria fou ma faia le mea sili ou te mafaia e faagalo ai au lava ae alu loa e galue.
Mai le taimi na ou taunuu ai, sa ou mafaufau pe aisea na tofia ai au iina. I se tasi aso na fai mai ai lau soa sa i ai so ma avanoa ma se tamaitai e le toaga i le lotu mai Puerto Rico. Na o le faaSipaniolo na ia tautala ai. O le mea e laki ai na tautala faa-Sipaniolo lau soa, ona o a’u e leai!
I le avanoa, a o talanoa atu lau soa i le tuafafine, sa na o lo’u ataata lava ma lue lo’u ulu. A o lei tuuina atu le matou savali, na fesili atu lau soa i le tuafafine pe i ai sana tusi a Mamona i le gagana Holani e mafai ona ou faaaogaina e mulimuli ai. Sa ma tuuina atu le ma kopi mulimuli i lena aso. Sa ia aumai se tusi mai lana fata i le pito i luga.
Na tatala e lau soa le tusi ma faitau le itulau o le faavaa. Sa ia tilotilo mai ia te au ma fesili mai, “E te iloaina lenei tagata?”
Sa ia faaali mai ia te au le itulau o le faavaa, lea sa i ai se molimau na tusia e se isi Elder Morell. Sa ou iloaina le tuatusi lea o loo avatu faatasi ma le savali.
I tausaga ua mavae, sa auauna atu ai lou tausoga i le uarota a lenei tuafafine o se faifeautalai i Puerto Rico. Ina ua iloa e ia ma lana soa o le a siitia atu o ia i Netherlands, sa la tuuina atu ia te ia se Tusi Mamona i le gagana Holani ma la molimau tusitusia.
Ina ua uma ona ou faitauina le molimau a lou tausoga, sa ou maua se uunaiga malosi. “Ua e i ai iinei mo se mafuaaga,” sa pei e fai mai ai le Agaga. “O loo i ai tagata i lenei eria o loo faatalitali mai ina ia aumai i le talalelei e ala ia te oe.”
Ina ua matou faamalamalama atu e faapea, o le faifeautalai sa tusia lana molimau ma au o ni tausoga, sa fai mai lenei tuafafine sa ia lagonaina sa aapa atu le Atua ia te ia e faaali atu ia te ia le tele o Lona alofa ia te ia ma finagalo o le a ia toe foi mai i le lotu.
E alofa le Tama Faalelagi ia i tatou ma e finagalo e faamanuia i tatou, o nisi taimi i auala tatou te le faamoemoeina. Sa ou lagona le faamaualalo e avea ma se meafaigaluega i aao o le Alii e faamanuia ai le olaga o lenei tuafafine.