Faatuatuaina o Folafolaga a le Faaola

Ata

Heather

E tofu uma i tatou ma faafitauli i le olaga. O nisi e laiti ma lē tumau, ae o isi e taua ma tumau. I nei luitau uma, e fesoasoani ai uo faaKeriso ia i tatou ia lagona le alofaina ma le faamalosia.

I le itulau e 32, e mafai ona e feiloai ai i se tasi o a’u uo faapelepele, o Heta, o le na faamalosia a’u i le alofa i le tele o tausaga o faigauo. O ia o se tamaitai e maoae le faatuatua o le e le faatagaina luitau o le olaga nei—e pei o ana tauiviga i aso taitasi ma le faiai supa—e faatoilaloina lona faamoemoe pe faavaivaia ana galuega lelei. Ua na o ia lava o se tasi o le toatele o o tatou uso ma tuagane, e ui ina maua i se ituaiga o manaoga faapitoa faafomai, e mafai ona latou fausia le malo o le Atua i ni auala mamana.

Ou te faalogo lava ia Heta i le tele o taimi o molimau atu i le faatuatuaga ua ia te ia i folafolaga a le Faaola. O lena savali ua matuai ootia lava i le taimi o lenei vaitau o le Eseta, lea o loo valaaulia ai i tatou taitoatasi e taofi ma mafaufau loloto i mea ua mafai ona o Iesu Keriso. E mafai e Lona alofa ona suia a tatou tauiviga i ni maa-laalaa. Ona o Lana Togiola, ua leai ai se tiga, ma’i, po o le tapulaa o le tomai e le malamalama i ai o Ia. Na te ofoina atu le faamalologa atoatoa. O le olioli lena tatou te faamanatuina i le Eseta.

Alofaaga,

Marissa Widdison

Sui Pule Faatonu o le Polokalama Feaveai o le Gospel Living