Sau, Mulimuli Mai ia te A’u
O le a se mea na aoao e Iosefa Samita e uiga i le oti ma le toetu?
Eseta
29 Mati–4 Aperila
Na aoaoina e Iosefa Samita e ala i faaaliga o i latou uma o e oti o le a toetutu ma toe ola ona o Iesu Keriso (tagai i le Mataupu Faavae ma Feagaiga 29:26). O nisi nei o aoaoga faavae na ia faasoaina mai.
O loo i ai le faamoemoe e oo lava i le faavauvau.
“E faavauvau lo’u agaga mo i latou ua aveesea mai ia i tatou ona o le oti, ae o loo ua i ai le faamoemoe, aua ou te toe vaai ia i latou ma faatasi ma i latou.”1
O le oti o se vaega o le fuafuaga a le Atua.
“Sa faigata ia te au le ola i le lalolagi ma iloa ai [ou uso o Alavini ma Don Carlos] … aveesea mai ia i matou i le lotolotoi o le la talavou. … Ae peitai ou te iloa e tatau ona tatou filemu ma iloa ua na o le Atua, ma ia faalelei ma Lona finagalo; ua lelei mea uma.”2
E le tumau le oti.
“O [o tatou] aiga ma uo ua na ona aveeseina mai o latou tino mo sina vaitaimi puupuu:.”3
O le mea lea, e lē tatau ai i e amiotonu ona fefefe.
“Ua ia i tatou mafuaaga e maua ai le faamoemoega tele ma le faamafanafanaga mo o tatou tagata e maliliu nai lo nisi lava tagata i luga o le fogaeleele;.”4
Talanoaga
E faapefea e folafolaga o le Toetu ona tuuina atu ia te oe le faamoemoe ma le filemu? E faapefea ona e faasoa atu le talalelei i isi??