Ana Onimaki te Tina

Aran tinau bon Tatiafogaega Tausagafou Brown-Fuimaono.

Ngke e uarereke, e bon maeka Tatia n te faleo’o (auti) ae uarereke ma ana utu i Matautu Lefaga, Samoa. Tamana ae, Palauni Brown, bon te membwa n Ana Ekaretia Iesu Kristo Ibukiia Aika a Itiaki ni Boong Aika Kaitira, ma e tuai rangi ni kakaonimaki n te Ekaretia n te tai ae maan. E uringa Tatia ae tamana e bon kaungaia buuna ma natina ake niiman (n te tai anne) bwa a na kaea te taromauri, e ngae ngke e aki mwananga ngaia.

Tinan Tatia bon kaain te Congregational Christian Church i Samoa (EFKS) ae rangi ni kakaonimaki. Ngkana tao a roko ni kawariia tenaan mitinare man ana Ekaretia buuna, e aki rangi ni bati ni kan kakataetaeiia raoi, ma e bon kaekaa aia kakaewenako bwa e na wareka Ana Boki Moomon. E bon rangi ni kamiimii te boki aio irouna, ao e aki rangi ni maan imwiina—e ngae ngke e bon aki kariaia bwa e na reirei ma mitinare—tinan Tatia n te tai anne e a bon wareware n Ana Boki Moomon ni katoa bong.

N te bong teuana, e tuangaki Tatia iroun tinana bwa e na bootii atiibu aika bubura man raababa bwa taorabian aia bwanga. E ongo Tatia ao man kaeineta moan aia auti, ma imwaain are e na kona n tabeka ana atiibu, e a bon tong naba n aki ataaki bukina.

E ienikuri ni biri nakoina tinana, ao n takaarua. N te tai anne Tatia e a mwaitoro rabwatana ao man bwata ao man aki naba ikeike. Te iango are e roko iroun tinana bwa e nang kawaekoaiia mitinare: tenaan mitinare man ana Ekaretia buuna.

N te tai are a roko iai mitinare, e aikoa kaekaeka Tatia inanon tabeua ngkai te miniti. A waekoa n kakabwaiaa mitinare ao n anganna te kakabwaia n katoki aoraki, ao ngke e a moanna n uti, Tatia e uringa ana taeka te Unimwaane are temanna n kangai, “Te Tina, tai raraoma. E na bon marurung. Iai ana babaire ao ana mwakuri Tamana are i Karawa ibukina. Ngkoe ma natim kam na bon kakabwaiaaki ibukin am onimaki.”

Man te bong arei, tinan Tatia e aki toki n taetaekina koauan te bwai are e riki—kamaiuan natina ae kakai—are e a kamatoaa naba nakoina koauan Ana Boki Moomon, Ana Ekaretia Iesu Kristo Ibukiia Aika Itiaki ni Boong Aika Kaitira, ao riki, bon te nakoanibonga are mai iroun te Atua. E bon bwabetitoaki n 1959 ao n kabanea bongin maiuna nakon ana mwakuri te Atua, riki n ikotakin te bata are Iteraera iaon itera aika uoua.

Imwain matena,—n rorona ae 90,—tinan Tatia e bon kakabwaiaaki n kakoauaa koron nanon ana taetae ni burabeti te Unimwaane arei. Inanon taina ao e reke ruaman natina ao a riki bwa kaain te Ekaretia aika korakora, membwa n te Ekaretia aika kakaonimaki, ao onoman mai buakoia natina ake a beku ni mitinare. Ao ngkai a bon kaikawaiia natiia inanon ana Euangkerio Iesu Kristo, ao te roro ae bwanin a kona n karabwaa tibuia te unaine n ana onimaki ao n anganakin Ana Boki Moomon te tai teutana.

Ngkai ngai natin Tatia te aine n te karaki aio, I tei n te roro anne. Arau bon Foketi, ao I bon ikawai irarikin tibuu te unaine ae Foketi Masani Le Mamea-Brown, e aki tii bwain tangiraai n arana, ma bon maiuna ae bwanin ao n onrake n te tangira ao te reirei. Tibuu te unaine—Nei ‘Ma’—e beku mwaaka man mweengana n aron naba nakon weteana n te Ekaretia aika kakaokoro, ao I kakoauaa ana kakamwakurin ana onimaki ae e nene man aki rongoaa ni katoa bong. E reireinai te tangira, te anganano, te mwakuri korakora, te beku n akea iangoam, ao te kakai ae e roko man kaean te tembora ae katoa bong.

Rinanoan Nei Ma, I reireinai te ongeaba, rikiu bwa te tia kabwakaa au kabwiianibwai ae bwanin, N na tatauraoi ibukin bwaai nako, N na kakaonimaki n tataro mwaaka, ao n tangira n akea tokina. I bia teimatoa n riki bwa te tia kakoauaa ibukin maiun ana onimaki tibu te unaine ae tangiraki.