Stap Lukaotem Rod tru long Spirit

Long pej 4, Elda Ronald A. Rasband i stap serem wan stori we i kamaot long famli histri blong hem, blong tijim prinsipol ia, se, Sevya bambae i no lego yumi fogud. Ridim atikol blong hem, mo toktok raon long wei we ol fasfala Sent oli bin dipen long ol testemoni blong olgeta abaot Jisas Kraes mo plan ia blong fasin blong sevem man we i kam long Papa long Heven.

Long pej 30, Elda Patricio M. Giuffra i tokbaot olsem wanem we, hem, taem hem i yangfala, i bin jenisim laef blong hem i kam long Jos, i bin disaed blong go long wan misin, mo afta, gohed blong skul long yunivesiti. Afta, hem i serem ansa blong hem long kwestin ia: ?Wanem nao yu mekem taem we revelesen we i blong yuwan, we yu kasem, i no foldaon stret wetem wan tingting we i stret?

?Olsem wanem nao yumi save kasem moa samting aot long presen we i Tabu Spirit, insaed long laef blong yumi? Elda José A. Teixeira i lukluk insaed long topik ia long pej 40. Ridim atikol blong hem mo toktok raon long wei blong luk moa rod ia we Spirit i stap soem.

Ol Proveb 3–4

1. Putum wan pikja blong Sevya long wan saed blong wan bigfala open spes, o rum.

2. Stanap long narasaed blong rum. Wan afta wan, fasem ae blong wanwan memba blong famli, mekem hem i tantanem hem long wan sekol, mo afta, traem luk se oli save wokbaot i go long pikja blong Jisas Kraes we i no gat man i helpem hem.

3. Ridim Ol Proveb 4:26–27.

Toktok Storian: ?Wanem kaen help nao, oli bin givim long yumi long laef ia. blong kipim yumi i stap long rod ia we i lidim yumi i go long Jisas Kraes? Blong toktok moa long hemia, ridim Ol Proveb 3:5–6. ?Wanem aksen nao yumi nid blong tekem blong save trastem Lod wetem ful hat blong yumi?