?Wanem Nao Aesea I Stap Tijim Abaot Wok blong Mekem Isrel I Kam Tugeta? Liahona, Septemba 2022.
Kam Folem Mi
?Wanem Nao Aesea I Stap Tijim Abaot Wok blong Mekem Isrel I Kam Tugeta?
Lukluk blong Sol Lek Siti, i kam long James Taylor Harwood
Aesea i bin yusum ol simbol blong tij abaot wok blong mekem Isrel i kam tugeta. Tingting long skripja ia: “Long taem ya, Hae God bambae i pulum wan flag blong soemaot long ol man blong ol narafala kantri, se hem bambae i stap tekembak ol man Isrel wetem ol man Juda* we oli stap wanwan olbaot long evri ples. Bambae oli aot long ol fo kona long wol, blong kambak bakegen long ples blong olgeta.” (11:12).
Hem i wan flag o wan standet blong folem. Elda Jeffrey R. Holland blong Kworom blong Olgeta Twelef Aposol i bin serem stori blong, hao, ol lida blong Jos, long taem blong ol paeonia, oli bin mekem wan flag, “we oli wokem long han blong olgeta, mo talemaot se vale ia, blong Bigfala Sol Lek, mo ol hil raon long hem, i ples blong profesi ia we i talem se toktok blong Lod bae i aot long ples ia i go long wol long ol las dei.”1
?Wanem nara simbol mo niu tingting ia i go wetem taem we Isrel i bin seraot mo taem we Isrel i stap kambak tugeta, we yu save faenem insaed long ol japta blong Aesea ia, olsem japta 2, 5, mo 11?
?Olsem wanem profet blong yumi tedei, i stap helpem yumi long wan moa gud wei blong andastanem wok blong Isrel i kam tugeta?
Bae i save help blong stadi long wanem we ol profet blong tedei oli bin talem abaot ol tijing blong Aesea, mo wok blong mekem Isrel i kam tugeta. Tingting blong lukluk tru long wan long ol toktok blong jeneral konfrens we i kam long Presiden Russell M. Nelson, mo mekem wan lis blong ol wei we yu save help blong mekem Isrel i kam tugeta:
-
“Blessed Are the Peacemakers,” Liahona, Nov. 2002, 39–42
-
“The Gathering of Scattered Israel,” Liahona, Nov. 2006, 79–82
-
“Letem God I Win,” Liahona, Nov 2020, 92–95