Liahona
ʻOku ʻAtā he Taimí Ni Hono ʻOta Taʻetotongi ʻo e Ngaahi Makasini ʻa e Siasí
Māʻasi 2024

“ʻOku ʻAtā he Taimí Ni Hono ʻOta Taʻetotongi ʻo e Ngaahi Makasini ʻa e Siasí,” Liahona, Māʻasi 2024.

ʻOku ʻAtā he Taimí Ni Hono ʻOta Taʻetotongi ʻo e Ngaahi Makasini ʻa e Siasí

ʻĪmisi
ongo fafine ʻokú na sio ki ha makasini

ʻOku ʻatā he taimí ni ʻa e ngaahi makasini ʻa e Siasí ki he kāingalotu ʻi he funga ʻo e māmaní kae taʻetotongi. Lesisita ki hano ʻota fakataʻu ki he:

  • Ko e Liahoná (maʻá e kakai lalahí).

  • Ki Hono Fakamālohia ʻo e Toʻu Tupú (maʻá taʻu 12–18).

  • Ko e Kaumeʻá (maʻá e fānaú).

Naʻe fakamatalaʻi ʻe ʻEletā Tietā F. ʻUkitofa ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku fiemaʻu ʻe he Siasí ke toe lahi ange hono maʻu e ngaahi lea ʻa e kau palōfitá, pea ʻoku mau fiefia ke tuku atu ʻa e ʻū makasini ʻa e Siasí kuo pākí ʻo ʻikai ha totongi” (1 ʻAokosi 2023, newsroom.ChurchofJesusChrist.org).

Founga ke Lesisita ai ki he Ngaahi Makasini kuo Pākí

  • ʻAlu ki he MagazineSubscriptions.ChurchofJesusChrist.org.

  • Hū ki loto ʻo fakaʻaongaʻi ha ʻakauni ʻi he Siasí. (Kapau ʻokú ke fiemaʻu ha ʻakauni ʻi he Siasí, lesisita ki haʻo ʻakauni ʻo ʻikai ha totongi, ʻi he account.ChurchofJesusChrist.org.)

  • Lomiʻi ʻi he Subscribe he tafaʻaki hoʻo makasiní pe ʻū makasini ʻokú ke filí.

  • Fakafonu ho tuʻasila meilí mo e lea fakafonua ʻokú ke fiemaʻú.

ʻE aʻu atu ʻa e ʻuluaki tataú ʻi ha māhina nai ʻe ua.

Founga ke kau ai ʻi ha ʻĪmeili Fakamanatu Fakamāhiná

Kapau ʻokú ke fie lau fakaʻilekitulōnika ʻa e ngaahi makasini ʻa e Siasí, te ke lava ʻo lesisita ke maʻu ha ʻīmeili ʻi he taimi ʻe ʻatā ai ha makasini foʻou ʻi he uepisaiti ʻa e Siasí pea ʻi he polokalama Gospel Library.