Sakata, ʻInitonēsia

ʻĪmisi

mape mo ha siakale takatakai ʻi ʻInitonēsia

ʻĪmisi

loto hala ʻi Sakata

ʻI he 1970, naʻe papitaiso ai ʻe he kau fuofua faifekau ne hū ki ʻInitonēsiá ʻa e fuofua kāingalotú, fokotuʻu ʻa e fuofua haʻofanga lotú, pea kamata mo e ngāue ke tali fakaʻofisiale ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻe fokotuʻu mo ha ngaahi haʻofanga lotu lahi ange, pea fokotuʻu mo ha hetikuota fakamisiona ʻi Sakata ʻi he 1975. Ko e ʻaho ní, ʻoku maʻu ʻe he Siasí ʻi ʻInitonēsia ha:

kāingalotu ʻe toko 7,560 (fakafuofua)
siteiki ʻe 2, uooti mo e kolo ʻe 24, misiona ʻe 1
temipale ʻe 1 kuo fanongonongo (Sakata)

Ko e Teuteu ki he Temipalé

Naʻe silaʻi ʻa e fāmili Uinitolo mei Takalangi, ʻInitonēsiá, ko ha fāmili ʻi he Temipale Manila Filipainí ʻi he 2010. ʻOku pehē ʻe Sisitā Uinitolo, “Naʻa mau fiefia lahi ʻi he taimi naʻe fakahā ai ʻe hotau palōfita ʻofeiná ʻe ʻi ai ha temipale ʻi ʻInitonēsiá. ʻE hokohoko atu ʻemau lotú mo teuteuʻi kimautolu ki he fokotuʻu ʻa e fale ʻo e ʻEikí ʻi homau fonuá.”

ʻĪmisi

fāmili ʻoku tuʻu fakataha

Taá ko e angalelei ia ʻa e fāmili Uinitoló

Ngaahi meʻa lahi ange kau ki he Siasí ʻi ʻInitonēsiá

Ko e puna ʻa e moʻunga afí ʻi ʻInitonēsia ʻi he 1815 naʻá ne fakahoko ha konga ʻi hono Fakafoki Mai ʻo e ongoongoleleí. Ko e fakamatala ia ʻa ʻEletā Kuenitini L. Kukí.
ʻOku “tekaʻi” ʻe ha taha taʻu hongofulu tupu mei ʻInitonēsia ha lēsoni fekauʻaki mo e ʻamanaki leleí.
Naʻe tanganeʻia ʻa e Palesiteni Lahi mālōlō ʻo e Fineʻofá ko Linitā K. Peatoní ʻi he kau fafine ʻo e tuí ʻi ʻInitonēsiá.
ʻOku vahevahe ʻe he tokotaha fakamatala ko ʻeni mei ʻInitonēsiá ha ngaahi fakaʻilonga ʻe 10 kuó ke ului moʻoni ki he ongoongolelei ʻo Sīsū Kalaisí.
Ko e Tohi ʻa Molomoná, Tokāteline mo e Ngaahi Fuakavá, mo e Mataʻitofe Mahuʻingá naʻe toki maʻu fakataha ia ʻi he lea faka-ʻInitonēsiá ʻi he 2010.