“Panimalay—usa ka Balaan nga Dapit sa Pagkat-on,” Liahona, Abr. 2024.
Welcome Niini nga Isyu
Panimalay—usa ka Balaan sa Pagkat-on
Bisan unsa pa ang kahimtang sa inyong pamilya, ang Ginoo makatabang kaninyo sa paghimo sa inyong panimalay nga usa ka balaan nga dapit sa pagkat-on ug espirituwal nga paglambo. Bisan kon kamo adunay mga anak o wala, kamo mahimong usa ka positibo nga impluwensiya alang kanila diha sa panimalay, diha sa usa ka calling, o diha sa inyong kaparyentehan.
Diha sa “Pagtabang sa Atong mga Pamilya sa Paglakaw diha sa Kahayag ug Kamatuoran,” si Elder Hugo E. Martinez nagpasabot kon sa unsang paagi ang panimalay isip usa ka sentro sa pagkat-on makahimo og ingon nga kalainan. Siya nagsulat: “Bisan kon ang atong mga anak ingon og wala magtagad, kita wala gayod masayod kon kanus-a sila nga naminaw gayod ug nagkat-on. Mao kana nganong ang makanunayon nga pagpakigbahin sa ebanghelyo mahinungdanon kaayo” (pahina 12).
Si Merrilee Browne Boyack nagpakigbahin kanato og tulo ka paagi sa pagtudlo mahitungod sa pamilya nga maoy sentro sa plano sa Dios diha sa iyang artikulo nga “Usa ka Lig-on nga Pundasyon: Pagtudlo sa mga Anak bahin sa Pamahayag sa Pamilya” (pahina 16).
Sa akong artikulo nga “Ang Balaang Kapalaran sa Atong mga Anak,” nagsulat ko nga pinaagi sa pagkaila ni Jesukristo, ang atong mga anak makaila sa ilang diosnon nga kinaiya ug sa gugma sa Dios nga anaa alang sa matag usa kanila (pahina 20).
Ako modapit kaninyo sa sulod niini nga isyu alang sa mga ideya ug inspirasyon sa pagpakigtambayayong sa Ginoo dinha sa panimalay ug daghang ubang mga dapit—usa ka panagtambayayong nga mopanalangin kaninyo ug sa inyong mga minahal.
W. Justin Dyer, PhD
Brigham Young University