Na Yalodina: Bulataka na Noda Lotu e na Yaloda Taucoko

Na lotu eda dau tokona kece se digitaka meda vakamuria e sega wale ga ni lotu vakasigatabu; ka sega talega itukutuku me vakabauti… E dua tiko na ka bibi e vuravura vei keda, na veika e na yaco vei keda e na vuravura oqo kei na vuravura mai oqo e na vakatau tiko e na noda yalododonu kina dina kei na nodra dei e na nodra vakamuria tiko na kena vunau, e na vakamuri tiko na kena ivakavuvuli, kei na veika e gadrevi kina.²

E dau ka marautaki vei au e na noqu dau sota kei ira na tagane kei na yalewa e sa ciqoma na dina ka ra vakamuri vinaka tiko e na nodra bula e na veisiga, dau nanuma, eda dau tauyavutaka na ivakatagedegede ni noda yalodina kei na yalovakabauta kina dina e na noda cakacaka e na veisiga. Na kau e na kilai mai na vuadra, ka sa veti li, na vua-ni-vaini mai na wa-vakavotona, se na lolo mai na soni. Ni o sa raica na iwiliwili ni tamata yadua, lewe ni vanua se o ira na tamata kece, era sa ciqoma na kosipeli i Jisu Karisito, era vakayacora vinaka na nodra cakacaka, era dina kina nodra veiyalayalati, dina kina veika taucoko ni nodra vakabauta, o na raici ira na tagane kei na yalewa era sa vua ka kauta mai na vuata vuavua vinaka ka kilikili.³

E dodonu vei keda me da vakayacora na noda itavi ka bulataka na noda lotu e na veisiga kece. Me da qarava na Turaga e na yalo kilikili e na siga kece, e na qai Tamada ka noda iTokani o koya, ka na sega na nodra kaukaua na noda meca vei keda.⁴

Eda vinakata kece na loloma e lomada, e na veigauna kece: imatai, vua na Kalou na Tamada vakalomalagi, o koya e solia na veika vinaka kece—na loloma e robota taucoko na lomada, na veika e da vakasamataka, na utoda, na noda vakasama, na noda kaukaua, noda vinakakata vakalevu, ke vinakata o koya, e da solia na noda bula kei na noda gauna, taledi, kei na veika kece e na vuravura oqo kina nona qaravi na Kalou bula, o koya e solia kece vei keda na veika eda taukena. … E [dodonu] me tiko vei keda na loloma oya e lomada, ka me uasivi sara na noda lomana na Kalou mai na bisinisi, na levu ni lavo, levu cake mai na veika vinaka vakavuravura; oya na, marautaki ni veika e taleitaki e na nona qaravi kei na lomani ni Kalou mai na veika kece eda taukena e na vuravura oqo.⁵

E na veivanua kece era dau rogoca na tamata na vosa na rawata ka dau veitalanoataki me vaka e vakaibalebaletaki ga e na dua na vosa, me vaka talega ni dua na inaki cecere ni tagane se gone yalewa me rawati kina na yalodra e na veika vakavuravura. … O koya gona, na nona bula sautu e dua na tamata e vakatau sara tiko ga e na tawamudu kei na veika era gadreva e na gauna oqo, mai na veika era vakaitovotaki ira kina na tamata e na nodra sasaga me ra vakamuria na nuiqawaqawa ni gauna era bula tiko kina. E na sega tale ni dua na ka e na vakamavoataka na noda tiko vinaka mai na noda nanuma na ituvaki ni bula oqo kei na veiqaravi tawamudu e yavutaki e na iyau kei na veidokai e na vuravura oqo.

Na dina e vakamatatataka na iVakabula e vaka me sa guilecavi e na itabagauna oqo, ka cava na kena yaga vua na tamata ke vaka e rawati vuravura taucoko, ka vakayalia na yalona [raica Maciu 16:26]. Na ivakatagedegede e tukuni e na vosa ni Kalou, na vakabulai ni yalo.⁶

Na itovo ni lewenilotu dina e na Lotu i Jisu Karisito ni Yalododonu Edaidai oqo—ni o iko kei au, e da galala mai vei ira kece na tamata e vuravura, eda na bulataka na noda lotu ka vakayacora na noda itavi, veitalia na veika era cakava na tamata tale eso. Me vaka na nona vakamacalataki koya o Josua ena gauna makawa, “ia koi au kei ira na noqu lewenivale, keitou na qaravi Jiova.” [Jiova 24:15.] … Na itovo dina ni noda veiqaravi e na Lotu oqo oya eda na vakayacora na veika dodonu, veitalia o ira na dau cakacaka dodonu eso se na caka cala. Me da vakaqara me tiko kei keda na yalo tabu ka bulataka tiko na lewa oya.⁷

Na imatai ni ivakatagedegede cecere ni bula dodonu e rawa ni kuna e na nodra itavi yadua na tamata, e qarauni ira vinaka tiko na tamata e na vuku ni dina. E na sega ni dredre vua edua na tamata era dina e yalodra me ra dina tale vua e dua na tamata. O ira na tamata era doka na Kalou e na nodra bula yadua era sega ni dua vata kei na ivakasala ni tamata raraba, ka na rairai duidui talega na nodra vakasama, se cala. Mai na nodra itavi yadudua na tamata era vakila kina ni ra na biuti ira e na yasana dodonu ni taro raraba. O ira na sega ni kawaitaka na tabana ni nodra bula vakayalo era dau vakatau tiko ga e na veidusimaki ni tamata raraba e na liutaki ira kina veika e sega ni dodonu.⁸

Na vuata ni Yalo Tabu ni Kalou—na vuata ni yalo tabu dina ni lotu—na sautu kei na loloma, buladodonu kei na yalodina, na veidokai kei na yalovakabauta, kei na yalodina kina veika dodonu e kilai e na lawa ni Kalou.⁹

Na noda itavi meda toso tiko ga vakamalua ki liu ka vakadodonu ki cake kina sala e sa vakarautaka na Turaga sa Cecere sara me muri. Maroroya na vakabauta; doka na yaca ni Kalou e yalomu; vakarokorokotaka ka lomana na yacana o koya e vakadavea na nona dra me baleta na bokoci ni valavala ca ni vuravura; mo doka ka taura tiko e na vakarokoroko cecere o koya e susuga cake mai na Kalou ni se gone me mai vakadavora na yavu ni cakacaka levu edaidai.¹⁰

Ni’u a se gone lailai ka laki cauravou sara, au dau vakayagataka na noqu gauna galala e na noqu dau wavoki tu kei ira na tamata ni Kalou, au dau rarawa ka dau marau vakalevu kei ira. E na noqu bula taucoko au vakailala kei ira na tamata oqo, e na yaca kei na veivuke ni Kalou e na yacova sara na ivakataotioti. E sega tale ni dua na isoqosoqo au lewena se vale. O au me vaka na veika oqo, au vakataki Pita, e na gauna e raica kina na iVakabula, ni ra sa vuki tani mai na tamata vei koya, e tarogi koya, dou sa via lako tani talega koi kemudou? Sa qai kaya vua ko Saimoni Pita, Kemuni na Turaga, keitou na lako vei cei ? Sa tu ga vei kemuni na vosa ni bula tawamudu. [Raica John 6:67–68.] E sa sega tale ni dua na ka meda cakava, vakavo sara ga me da tiko ga e na sala rabai lailai ka lesu tale yani vua na Kalou na Tamada. Oya na sala. E sa makataka o koya me da lakova, ka sa noda itavi na gumatu yani ki liu; e da sa sega ni rawa ni vuki vakababa, e da sa sega talega ni veisautaka na noda sala; se na muria lesu tale na sala, na “sitima ni vakua e lako tu ga vakadua” na vanua e lako tiko kina e sa kilai tu ka sa mapetaki tu.

E na namaki ni da na sota kei na so drakidrakita ni veicoqacoqa na gauna e da na sotava kina, na valuti ira tiko e na iyaragi ni dina e sa solia e ligada na Kalou. Me da vakadeitaka na noda vakasama ni vuravura oqo kei na veika kece e gadrevi kina e ka wale ke me vakatauvatani kei na uasivi ni vuku ni Kalou. E vinakata o koya me vakatovolei keda, ka tiko talega na dodonu vua me vakayacora, me yacova na mate ke gadrevi, kei ira kece na vosota me yacova na ivakataotioti, era na sega ni rawa ni leve, ka na tiko ga vei ira na nodra yalodina kei na yalodina e na nodra bolebole kei na soli bula ni tamata, ke gadrevi, e na rawata na bula tawamudu, se kilikili ki na nodra isolisoli na vakabauta.¹¹

E sa dau vakawasoma na noqu masu, sega ni baleta au na maroroi mai na veika dredre, baleta e na rairai soli vei au na vuku kei na veilewai, na yalo malua kei na dauvosota me soli vei au, meu rawa ni colata kina na veika dredre au sivia yani. Au na sega ni rawa ni tukuna vakaidina ni’u a sa vakatovolei e na noqu vakabauta na Kosipeli i Karisito, e na gauna oqo au rawa ni tukuna vakaidina niu sa vakatovolei e na levu sara na sala. E sa mai mamare kina na noqu yalo malua, na noqu loloma sa mai vakatovolei, ka sa mai vakatovolei talega na noqu yalo dina.¹²

Au vakabauta [o ira na tukada na ivuvu] e ra tara sara vakavinaka na veika, ka vinaka sara mai na nodra kila ka. Au vakabauta ni ra a liutaki tiko e na kaukaua ni Kalou, ka ra kalawa tiko vakayadudua, ka vakavulici e na vosa e na vosa, na vunau kei na vunau. Oqo na sala e vakadonuya kina o Koya na nodra yalo dina kei na veiqaravi. E vakadinadinataka o koya me yacova ni sa mate kina; io, ka mani sivia yani na mate; na mate vei ira na lewe levu e kamikamica, ke a mani sautu, vakacegu e na marau, ke me vakatauvatani na cakacaka kei na leqa era sa sotava oti mai.¹³

E levu sara na tamata e na nodra talairawarawa era sa vakamai ka vakamatei, baleta ga na nona vakabauta, na ivakaro ni Kalou. E sega ni dua vei ira na tisaipeli e na gauna makawa, o ira na digitaki Jisu Karisito me drotaka na veivakamatei, vakavo sara ga o Jutasa kei Saimoni. O Jutasa e solia yani na Turaga, ka solia na nona bula; io o Joni e taura na nona iyalayala i Turaga ni na bula tiko ga o koya, me yacova na nona lako tale mai e kina e vuravura. O ira kece na vo era a vakamatei kece, e so e vako e na kauveilatai, e so era a yarataki e na gauni sala e Roma, e so era viritaki mai na itutu cecere ka so e ra lauviri e na vatu me ra mate. Baleta beka na cava? Baleta na nodra vakamuria na lawa ni Kalou ka solia na nodra ivakadinadina kina veika era kila ni dina. Sa i koya beka oqo ni kua. Io me dei vinaka e yaloqu na yalo tabu ni kosipeli, niu sa lakova yani na dravudravua, e na gauna dredre, e na gauna ni veivakacacani, se kina mate, laivi au kei na noqu matavuvale me keitou qarava na Kalou ka vakamuria na nona lawa.¹⁴

E tukuna na Turaga vua na cauravou, o koya e talei taka sara vakalevu na vuravuara, ke vinakata o koya me vinaka sara se uasivi, mo lako ka volitaka kece na nomu iyaya kei na nomu iyau kece e nona ka solia vei ira na dravudravua, e qai tukuna vua na Turaga, “Ia mo lako mai, mo muri au” [Maciu 19:21.] Oqo e dua na kena tukutukuni, io e tiko talega kina e levu na ka, e tiko talega kina eso na ivakavuvuli yaga. Oqo na kena vakacerecerei na veika e tabu ka vakalou, na veila vakaKalou, na ka e vakarautaka na sautu kei na marau e lomadra na tamata, e taumada mai na iyau, mai na veidokai vakavuravura kei na veika o taukena. Na veika oqo e vinakata na Turaga mai vei ira na Yalododonu Edaidai; kei ira kece na tagane kei na yalewa era sa vakadinadinataka na Kosipeli e dodonu me ra vakila e edaidai, e yalodra talega e na veigauna, ni “veika kece ga e vinakata na Turaga mai vei au, au na vakayacora,” se, au na solia, veitalia ga se cava.¹⁵

Ke vinakata o koya me’u solia taucoko vua na veika e noqu, au vinakata me’u vakila me vakayacori e na yalo marau kei na veivaka donui, me vakataki Jope, kei Eparaama, e na nodrau vakakila na gauna e kacivi rau kina na Turaga me rau vakaraitaka na nodrau vakabauta. O Eparaama a kacivi me soli luvena mai—na gone ni veiyalayalati—e wawa tale o koya me vakamacala se me veiba kei Koya sa Cecere sara? Sega, e mani lako yani, e sega mada ga ni veiba se me vosa cudrucudru, me vakayacora na vei ka e vakaroti kina o koya. E na rairai vakaila o koya e dua tani na ka, eda sa kila vinaka ni a vakatovolei sara vakatitobu o koya; na veika malumalumu talega a vakatovolei, ia na veika E vinakata me vakamuria na ivakaro nei koya sa Cecere sara. E a qai sega ni vakamuri o Eparaama na ivakaro e so lia vua na Kalou, ni sa raica na Turaga, na non yalodina kei na nona vinakata me vakamuri na ivakaro, ka tarova. [Raica 22:1–18.] …

E na gauna oqo, e lewe vica vei keda e dei tiko na nona vakabauta na Turaga me vakataki Eparaama? Mo nanuma mada, me kerei na nomu ulumatua mai vei iko, se me dua o dau loma sara vakavinaka, se na nomu iyau, e rawa ni o vosota ka sega ni kudru vaka? … E da na rawa beka ni rawata na bula vakalou e na matanitu vakaselesitieli ke tiko e so na noda vakatitiqa—e dua na ka sa maroroi tu—me vakadeitaki kina na yaloda kei na veika eda vinakata taumada? Tarogi iko mada vakataki iko, ke o sa kilikili dina mo taura kina na bula vakalou e na matanitu vakasilesitieli ni Kalou?¹⁶

O Jose a dua na tamata kilikili, e vinaka sara e na vei ka kece. E sega tale dua e vakataki koya e na vuravura taucoko. … e sega ni vosa ca taki ira na kai sipa ko koya baleta ni ra sa butakoca na nona pulumakau, se na bukawaqa mai lomalagi ni a mai kania na nona qele ni manumanu, se na cagi mai lomalagi ni a vakarusa na nona itikotiko kei iratou na luvena. E sega ni vosa ca, se cakitaka na Turaga me baleta na veika oqo. Io e qai tukuna o koya, “Sa solia ko Jiova, ka sa kauta tani ko Jiova; me vakavinavinakataki ga na yaca ni Turaga.” [Jope 1:21.] …

… Oqo e dua na ivakaraitaki ni ivakavuvuli me yavu ni vakabauta, vakanuinui, loloma cecere, na loloma, na cakacaka, na yalodra taucoko na tamata—ni ra na qarava na Kalou, veitalia na veika e na yaco vei ira. Dina ni ra a vesu e na valeniveivesu, era a vakacacani, era dravudravua, ni sa vakatovolei ira na Kalou vakaidina, ka veitarogitaki ira na me ra vakaraitaka kina na nodra yalodina, me ra tukuna ga na ka e tukuna o Jope, “Au a livawale ni’u a lako mai na kete i tinaqu, au na luvawale talega ni’u sa suka kikea; sa solia na ko Jiova ka sa kauta tani ko Jiova; me vakavinavinakataki ga na yaca i Jiova.” [Jope 1:21.] E vakacerecerea na Kalou, mo lomani Koya ena lomamu taucoko, kei na yalomu taucoko, kei na nomu nanuma kecega; ia mo lomana na kai nomu me vaka ko lomani iko; me na qai yaco mai na leqa eda na vosota ka segas ni vosa kudrukudru, ia mo wawa ga me yacova ni sa tauyavutaka na Kalou na nona inaki. E da na qai raica kina ni sega tale ni dua na loloma me vakataka na loloma ni Kalou vei ira na levena era rarawa tu; e sega tale ni dua na loloma e rabai levu, sega na inaki e levu sara, e vinaka ka vakaturaga me vaka na inaki ni Kalou me baleti ira na luvena. Ke eda na vakayacora na veika oqo, e da na vulica na veika oqo ka vakalougataka na Kalou e na yaloda taucoko.¹⁷