Ko Selūsalema ʻi he Taimi ʻo Sīsuú

Kolokota Ko e feituʻu ia ʻoku pehē naʻe kalusefai ai ʻa Sīsuú (Mātiu 27:33–37).

Fonualoto ʻi he Ngoué Naʻe telio ai ʻa Sīsuú (Sione 19:38–42). Naʻe hā mai ai ʻa Kalaisi kuo toe tuʻú kia Mele Makiteline ʻi he ngoué (Sione 20:1–17).

Kolotau ʻAnitoniō Mahalo naʻe tukuakiʻi, fakamāuʻi, manukiʻi mo kauʻimaeaʻi ʻa Sīsū ʻi he feituʻu ko ʻení (Sione 18:28–19:16). Naʻe puke heni ʻa Paula peá ne toe fakamatala ai ki hono fakaului iá (Ngāue 21:31–22:21).

Anovai ʻo Petesetá (Petesaitá) Naʻe fakamoʻui ai ʻe Sīsū ha tangata mamatea ʻi he ʻaho Sāpate (Sione 5:2–9).

Temipalé Naʻe palōmesi mai ʻe Kepaleli kia Sakalia ʻe fanauʻi mai ʻe ʻIlisapeti ha foha (Luke 1:5–25). Naʻe mavaeua ʻa e puipui ʻo e temipalé ʻi he pekia ʻa e Fakamoʻuí (Mātiu 27:51).

Fale Hala ʻo Solomoné Naʻe fakahā ʻe Sīsū ko e ʻAlo ia ʻo e ʻOtuá. Naʻe feinga ʻa e kau Siú ke tolomakaʻi ia (Sione 10:22–39). Naʻe malanga ʻaki ai ʻe Pita ʻa e fakatomalá hili haʻane fakamoʻui ha tangata naʻe heke (Ngāue 3:11–26).

Matapā Fakasanisaní Naʻe fakamoʻui ai ʻe Pita mo Sione ha tangata heke (Ngāue 3:1–10).

Tumutumu ʻo e Temipalé Naʻe ʻahiʻahiʻi ai ʻa Sīsū ʻe Sētane (Mātiu 4:5–7). (ʻOku ʻi ai ha feituʻu ʻe ua ʻoku pehē naʻe hoko ai ʻa e meʻa ko ʻení.)

Moʻunga Tapú (ʻoku ʻikai fakapapauʻi ʻa e feituʻu ki aí)

1. ʻOku pehē ʻi he talatukufakaholó naʻe fokotuʻu heni ʻe ʻĒpalahame ha ʻesi-feilaulau ki hono feilaulau ʻaki ʻo ʻAisaké (Sēnesi 22:9–14).

2. Naʻe langa ai ʻe Solomone ʻa e temipalé (1 Ng. Tuʻi 6:1–10; 2 Fkmtl. 3:1).

3. Naʻe hanga ʻe he kau Pāpiloné ʻo fakaʻauha ʻa e temipalé ʻi he taʻu 587 K.M. nai (2 Ng. Tuʻi 25:8–9).

4. Naʻe toe langa hake ʻe Selupēpeli ʻa e temipalé ʻi he taʻu 515 K.M. nai (ʻĒsela 3:8–10; 5:2; 6:14–16).

5. Naʻe hanga ʻe Hēlota ʻo fakalahi ʻa e fale talitaliʻanga kakai ʻo e temipalé mo toe langa hake ʻa e temipalé ʻo kamata i he taʻu 17 K.M. nai. Naʻe ʻomi ki ai ʻa Sīsū ʻi heʻene kei valevalé (Luke 2:22–39).

6. Naʻe akonaki ʻa Sīsū ʻi hono taʻu 12 ʻi he temipale (Luke 2:41–50).

7. Naʻe fakamaʻa ʻe Sīsū ʻa e temipalé (Mātiu 21:12–16; Sione 2:13–17).

8. Naʻe tuʻo lahi ʻa e akonaki ʻa Sīsū ʻi he temipalé (Mātiu 21:23–23:39; Sione 7:14–8:59).

9. Naʻe fakaʻauha ʻe he kau Lomá ʻa e temipalé ʻi he taʻu T.S. 70 ʻi he taimi naʻe pule ai ʻa Taitusí.

Ngoue ko Ketisemaní Naʻe mamahi ai ʻa Sīsū, pea lavakiʻi ia, pea puke ʻo ʻave (Mātiu 26:36–46; Luke 22:39–54).

Moʻunga ʻo e ʻŌlivé

1. Naʻe tomuʻa fakahā ʻe Sīsū hono fakaʻauha ʻo Selūsalema mo e temipalé. Naʻá ne toe folofola foki ʻo kau ki he Hāʻele ʻAnga Uá (Mātiu 24:3–25:46; vakai foki ki he SS—M).

2. Naʻe hāʻele hake heni ʻa Sīsū ki he langí (Ngāue 1:9–12).

3. Naʻe fakatapui ʻe ʻEletā ʻOasoni Haiti ʻa e Fonua Tapú ʻi he ʻaho 24 ʻo ʻOkatopa 1841 ki he foki mai ki ai ʻa e kau Siú.

Vai ko Kīhoní Naʻe pani ai ʻa Solomone ke hoko ko e tuʻí (1 Ng. Tuʻi 1:38–39). Naʻe tuʻutuʻuni ʻe Hesekaia ke keli ha tafu (luo) ke fetuku mai ai ʻa e vai mei he vai ko ʻení ki he koló (2 Fkmtl. 32:30).

Matapā Vaí Naʻe lau mo fakamatalaʻi ai ʻe ʻĒsela ʻa e fono ʻa Mōsesé ki he kakaì (Neh. 8:1–8).

Teleʻa Henomí Naʻe fai ai ʻa e lotu ki he ʻotua loi ko Molekí, ʻa ia naʻe kau ki ai ʻa e feilaulau ʻaki ʻo e fānaú (2 Ng. Tuʻi 23:10; 2 Fkmtl. 28:3).

Fale ʻo Kaiafasí Naʻe ʻave ʻa Sīsū ʻo fakamāuʻi ʻe Kaiafasi (Mātiu 26:57–68). Naʻe fakafisinga ʻe Pita ʻokú ne ʻiloʻi ʻa Sīsū (Mātiu 26:69–75).

Loki ʻi ʻOlungá Ko e feituʻu ʻeni ʻoku pehē naʻe maʻu ai ʻe Sīsū ʻa e ʻOhomohé peá ne kamata ai ʻa e sākalamēnití (Mātiu 26:20–30). Naʻá ne fufulu ʻa e vaʻe ʻo e Toko Hongofulu-Mā-Uá (Sione 13:4–17) mo akoʻi ʻa kinautolu (Sione 13:18–17:26).

Fale Fakatuʻi ʻo Hēlotá Naʻe ʻave ʻa Kalaisi kia Hēlota, mahalo ʻi he feituʻu ko ʻení (Luke 23:7–11).

Selūsalema (ʻoku ʻikai fakapapauʻi ʻa e ngaahi feituʻu ki aí)

1. Naʻe pule ʻa Melekisēteki ko e tuʻi ʻo Sēlemi (Sēnesi 14:18).

2. Naʻe kapa ʻe he Tuʻi ko Tēvitá ʻa e koló mei he kakai Sēpusí (2 Sam. 5:7; 1 Fkmtl. 11:4–7).

3. Naʻe fakaʻauha ʻa e koló ʻe he kau Pāpiloné ʻi he taʻu 587 K.M. nai (2 Ng. Tuʻi 25:1–11).

4. Naʻe fakafonu ʻe he Laumālie Māʻoniʻoní ha kakai tokolahi ʻi he ʻaho ʻo e Penitekosí (Ngāue 2:1–4).

5. Naʻe puke ʻa Pita mo Sione ʻo ʻomi ʻa kinaua ki he fakamaauʻangá (Ngāue 4:1–23).

6. Naʻe loi ʻa ʻAnanaia mo Sāfaila ki he ʻEikí pea mole ai ʻena moʻuí (Ngāue 5:1–10).

7. Naʻe puke ʻa Pita mo Sione, ka naʻe fakahaofi ʻa kinaua ʻe ha ʻāngelo mei he fale fakapōpulá (Ngāue 5:17–20).

8. Naʻe fili ʻe he kau ʻAposetoló ha kau tangata ʻe toko fitu ke tokoni kiate kinautolu (Ngāue 6:1–6).

9. Naʻe fakafisinga ʻa e fakamoʻoni ʻa Sitīveni ki he kau Siú, pea naʻe tolongaki ʻaki ia ʻa e maka ʻo ne mate (Ngāue 6:8–7:60).

10. Naʻe fakapoongi ʻa Sēmisi (Ngāue 12:1–2).

11. Naʻe fakahaofi ʻe ha ʻāngelo ʻa Pita mei he fale fakapōpulá (Ngāue 12:5–11).

12. Naʻe fakakaukauʻi ʻe he kau ʻAposetoló ʻa e meʻa ʻoku kau ki he kamú (Ngāue 15:5–29).

13. Naʻe fakaʻauha ʻe he kau Lomá ʻa e koló ʻi he taʻu T.S. 70 ʻi he pule ʻa Taitusi.