18. Tōtani ʻi Samēlia
ʻOku ʻiloa ʻa e feituʻu fonua ko ʻeni ʻo e Fonua Tapú ʻi he ngaahi moʻunga māʻolunga pea mo e ngaahi teleʻa. Ko e feituʻu musie lelei ia. Naʻe foaki ʻa e feituʻu fonua ko ʻení kia Manase ʻi he taimi naʻe nofoʻi ai ʻe he kakai ʻIsilelí ʻa e fonuá.
Ngaahi Meʻa Mahuʻinga naʻe Hoko aí: Naʻe fakatau atu ʻa Siosefa ki ʻIsipite ʻi he Teleʻa Totaní (Sēnesi 37:12–28). Naʻe hanga ʻe ʻŌpataia ʻo fakahaofi ha kau palōfita ʻe toko teau ʻi heʻene fufuuʻi kinautolu ʻi he ngaahi ʻana he taimi naʻe feinga ai ʻa Sisipeli ke tāmateʻi ʻa e kau palōfita ʻo ʻIsilelí (1 Ng. Tuʻi 18:13). Naʻe hanga ʻe he kau tau Sīliá ʻo ʻātakaiʻi ʻa ʻIlaisa mo ʻene tamaioʻeikí, pea naʻe fakahaofi ia ʻe he ʻEikí ʻi ha founga fakaofo (2 Ng. Tuʻi 6:13–23).
18. Tōtani ʻi Samēlia Ko e teleʻa maʻuiʻui ʻeni naʻe tauhi ai ʻe he ngaahi tokoua ʻo Siosefá ʻa e fanga sipí, ʻi he taimi naʻa nau fakatau atu ai honau tokouá ki he kau fefakatauʻaki Mitiani mo e ʻIsimelí.