Ngaahi Tā ʻo e Ngaahi Feituʻu ʻi he Folofolá

ʻOku fakaʻaliʻali atu ʻe he ngaahi tā ko ʻeni ʻo e ngaahi feituʻu mahuʻingá ʻa e ngaahi fonua naʻe hāʻele holo ai ʻa Sīsuú, mo e feituʻu naʻe akonaki ai ʻa e kau palōfita ʻi he Tohi Tapú pea mo e feituʻu naʻe hoko ai ʻa e ngaahi meʻa lahi ʻi he folofolá. ʻOku ʻoatu fakataha mo e tā taki taha ha kiʻi fakamatala nounou ke tokoni atu kiate koe ʻi hoʻo akó. ʻOku tatau pē ʻa e fika mo e ʻuluʻi fakamatalá mo e fika mo e hingoa ʻo e taá. ʻOku hanga ʻe he ʻuluaki palakalafi ʻi lalo ʻi he ʻuluʻi fakamatalá ʻo fakamatalaʻi ʻa e feituʻu ʻo e tā ko iá, pea ʻoku kau ai ʻa e ngaahi meʻa mahuʻinga ke te vakai ki ai, pea mo e tafaʻaki ʻoku hanga ki ai ʻa e tokotaha faitaá. Hili iá ʻoku hoko hake leva ʻa e ngaahi meʻa mahuʻinga taha naʻe hoko ʻi he folofolá ʻi he feituʻu ko iá, fakataha mo e ngaahi potufolofolá koeʻuhí ke ke lava ʻo ʻiloʻi ʻa e feituʻu ke ke lau mei ai ke ʻilo ha ngaahi fakamatala lahi ange ʻo kau ki he ngaahi meʻa naʻe hoko ko iá.