11. Moʻunga ʻo e ʻŌlivé, Paʻake ʻo ʻOasoni Haití

ʻOku vakai fakatonga-hihifo atu ʻa e tā ko ʻení ki Selūsalema mei he Paʻake ʻo ʻOasoni Haiti ʻi he Moʻunga ʻo e ʻŌlivé. ʻOku tuʻu ʻi he tahifohifo fakahihifó ʻa e Ngoue ko Ketisemaní. Naʻe kaka hake ʻa ʻEletā ʻOasoni Haiti ʻi he ʻaho 24 ʻo ʻOkatopa 1841 ʻi he Moʻunga ʻo e ʻŌlivé peá ne fai ha lotu fakakikite ʻi hono fakatapui ia ki he foki mai ʻa e fānau ʻa ʻĒpalahamé pea mo hono langa hake ʻo e temipalé.

Ngaahi Meʻa Mahuʻinga naʻe Hoko aí: Naʻe hanga ʻe Loma ʻo fakaʻauha ʻa Selūsalema ʻi he taʻu T.S. 70 ʻo hangē ko hono kikiteʻi ia ʻe he Fakamoʻuí (vakai ki he SS—M 1:23). ʻE toe tuʻu ʻa e Fakamoʻuí ʻi he Moʻunga ʻo e ʻŌlivé ki muʻa ʻi Heʻene hā mai ki he māmaní kotoa. (Vakai ki he Sāk. 14:3–5; T&F 45:48–53; 133:19–20; Fakahinohino ki he Ngaahi Folofolá, “ʻŌlive, Moʻunga ʻo e.”)