10. Ngaahi Sitepu ki he Temipalé

Naʻe vahevahe ʻa e temipalé ki ha ngaahi lotoʻā ʻe fā, pea naʻe tuʻu ʻa e ngaahi lotoʻā taupotu ki tuʻá ʻi he feituʻu ʻoku māʻulalo ai ʻa e kelekelé. Naʻe hū mai ʻa e kau lotu ʻi he temipalé ʻi ha ngaahi matapā kehekehe, pea kau ai ʻa e ngaahi matapā ko ia ʻoku kaka hake ki ai ʻi he ngaahi sitepu ko ʻení ki he ngaahi lotoʻā ʻi tuʻá pea hū atu ai ki he ngaahi lotoʻā ʻi lotó. Kuo lau afe ha kakai kuo nau kaka hake ʻi he ngaahi sitepu ko ʻení ʻi he ngaahi taʻu lahi, pea naʻe kau ai ʻa e ʻAlo ʻo e ʻOtuá. ʻI he hanga ʻe he kau tau ʻa Taitusí ʻo fakaʻauha ʻa e temipalé ʻi he taʻu T.S. 70, naʻe fonu ʻa e ngaahi sitepú ʻi he veve kehekehe. Naʻe toe keli hake ia ʻi hono keli hake ʻo e konga ko ʻeni ʻo e kolo motuʻa ʻo Selūsalemá.

Ngaahi Meʻa Mahuʻinga naʻe Hoko aí: Naʻe mamata ʻa ʻIsikeli ʻi ha meʻa-hā-mai ki hono lahi mo hono fōtunga ʻo e temipale ʻi he kahaʻú (ʻIsikeli 40). (Vakai ki he Fakahinohino ki he Ngaahi Folofolá, “Temipalé, Fale ʻo e ʻEikí.”)