25. Vaitafe Soataní

ʻOku kamata ʻa e Vaitafe Soataní ʻi he tokelau ʻo e Tahi ʻo Kālelí ʻo tafe mai ki ai, pea tafe atu mei ai ki he Tahi Maté ʻi he tongá.

Ngaahi Meʻa Mahuʻinga naʻe Hoko aí: Naʻe fili ʻe Lote ʻa e ngaahi toafa tokalelei ʻo Soataní maʻana (Sēnesi 13:10–11). Naʻe vaeua ʻe Siosiua ʻa e ngaahi vaí, pea lava ʻa e kakai ʻIsilelí ʻo kolosi atu ai ki he fonua ʻo e talaʻofá (Siosiua 3:13–17; 4:1–9, 20–24). Naʻe vaeua ʻe ʻIlaisiā mo ʻIlaisa ʻa e ngaahi vaí (2 Ng. Tuʻi 2:5–8, 12–14). Naʻe fakamoʻui ʻa Neamani mei he kiliá (2 Ng. Tuʻi 5:1–15). Naʻe papitaiso ai ʻe Sione ko e Papitaisó ʻa e kakai tokolahi, kau ai ʻa e Fakamoʻuí (Mātiu 3:1–6, 13–16). (Vakai ki he Fakahinohino ki he Ngaahi Folofolá, “Vaitafe Soataní.”)