1. Vaitafe Nailá mo ʻIsipite

Ko e faʻahinga ʻakau ʻoku tupu ʻi he ongo kauvai ʻo e Vaitafe Nailá. ʻOku tuʻu mei mui ai ʻa e ngaahi feituʻu toafa mamate ʻokú ne kāpui ha konga lahi ʻo ʻIsipite.

Ngaahi Meʻa Mahuʻinga naʻe Hoko aí: Naʻe fuofua ʻiloʻi ʻa e fonuá ʻe ʻIsipitasi (ʻĒpa. 1:23–25). Naʻe ʻalu ʻa ʻĒpalahame ki ʻIsipite (Sēnesi 12:10–20; ʻĒpa. 2:21–25). Naʻe fakatau ʻa Siosefa ki ʻIsipite, peá ne hoko ko ha pule, peá ne fakahaofi hono fāmilí mei he hongé (Sēnesi 37; 39–46). Naʻe nofo ʻa e ngaahi hako ʻo Sēkopé ʻi ʻIsipite (Sēnesi 47; ʻEke. 1; 12:40). Naʻe ʻiloʻi ʻe he ʻofefine ʻo Feló ʻa Mōsese ʻi he Vaitafe Nailá peá ne tauhi mo lehilehiʻi hake ia, (ʻEke. 2:1–10). Naʻe taki atu ʻe Mōsese ʻa e kakai ʻIsilelí mei ʻIsipite (ʻEke. 3–14). Naʻe ʻalu ʻa Mele, Siosefa mo Sīsū ki ʻIsipite ke hao meia Hēlota (Mātiu 2:13–15, 19–21). ʻE ʻiloʻi ʻe he kakai ʻIsipité ʻa e ʻEikí ʻi he ngaahi ʻaho fakaʻosí, pea ʻe tāpuakiʻi ʻe he ʻEikí ʻa ʻIsipite (ʻĪsaia 19:20–25). (Vakai ki he Fakahinohino ki he Ngaahi Folofolá, “ʻIsipite.”)