16. Sailo

Ko e vakai fakahihifo atu ʻeni ki he meʻa ʻoku kei toe ʻi he kolo fakakuongamuʻa ko ʻení ʻi he tafaʻaki fakatoʻohema mei lotomālié. ʻOku tuʻu ia ʻi ha kiʻi moʻunga fuopotopoto ʻoku ʻātakaiʻi ʻe ha ngaahi moʻunga māʻolunga ange.

Ngaahi Meʻa Mahuʻinga naʻe Hoko aí: Naʻe fakatahataha mai ʻa e ngaahi faʻahinga ʻo ʻIsilelí ki ai ʻo maʻu honau ʻinasi ʻi he vahevahe ʻo e fonuá (Siosiua 18–22). Naʻe fokotuʻu heni ʻa e tāpanekalé mo e puha ʻo e fuakavá, pea tuʻu ia ʻi ai ʻo laulaui senituli (Siosiua 18:1). Naʻe lotu heni ʻa ʻAna mo fakatapui ʻene tama ko Samuelá ki he ngāue ʻa e ʻEikí (1 Sam. 1). Naʻe ʻave ʻe he kakai ʻIsilelí ʻa e puha ʻo e fuakavá mei Sailo pea naʻe ikunaʻi kinautolu ʻe he kau Filisitiá, pea naʻa nau ʻave ʻa e puha ʻo e fuakavá (1 Sam. 4:1–11).