29. ʻAtenisi
ʻOku hā ʻi he taá ʻa e ngaahi maumau ʻi Patianoni, ʻi ʻAtenisi. Ko e kolomuʻa ʻo Kiliki ʻi he kuonga muʻá ʻa ʻAtenisi ʻi ʻAtika, pea ʻi he taimi ʻo e Fuakava Foʻoú, naʻe tuʻu ia ʻi he vahefonua Loma ʻo ʻAkeiá. Naʻe ui ʻaki ia ʻa e hingoa ko iá ko e fakalāngilangiʻi ʻo e ʻotua fefine ʻo e kau hīteni Kilikí ʻa ia ko hono hingoá ko ʻAtina. Ka ʻi he aʻu mai ki he taimi ʻo e Fuakava Foʻoú kuo mole mei ʻAtenisi ha konga lahi ʻo hono ngeiá mo e nāunaú, ka naʻe kei tuʻu pē ʻi ai ha ngaahi maka fakamanatu ʻo ha ngaahi ʻotua mo e ngaahi ʻotua fefine lahi, ʻa ia naʻe kau ai ʻa e “ʻotua ʻoku ʻikai ʻiloá” (Ngāue 17:23).
Ngaahi Meʻa Mahuʻinga naʻe Hoko aí: Naʻe ʻaʻahi ʻa e ʻAposetolo ko Paulá ki he koló ʻo ne malanga ʻi he ʻAleopeikó, ʻo ofi ki Patianoni (Ngāue 17:15–34). Naʻe fekauʻi atu ha kau faifekau mei ʻAtenisi ki he ngaahi feituʻu kehe ʻo Kalisí (1 Tēsal. 3:1–2).
29. ʻAtenisi ʻOku tuʻu ʻa e temipale Patianoni ko ia ʻoku hā ʻi he tā ko ʻení, ʻi he feituʻu ʻoku ofi ki Mars’ Hill ʻi he ʻAleopeikó, ʻa ia naʻe fai ai ʻe Paula ʻa ʻene malanga ʻo kau ki he “ʻotua taʻeʻiloá” (vakai ki he Ngāue 17:15–34).