3. Toafa Siuteá pea mo e Tahi Maté

Hanga fakatonga-hahake ki he Toafa Siuteá. ʻOku hā mai mei mui ʻa e Tahi Maté.

Ngaahi Meʻa Mahuʻinga naʻe Hoko aí: Naʻe hoko ʻa e Toafa Siuteá ko ha hūfangaʻanga mahuʻinga ʻi ha ngaahi vahaʻataimi lahi ʻo e hisitōlia ʻi muʻá. Naʻe toitoi ai ʻa Tēvita mei he Tuʻi ko Saulá (1 Sam. 26:1–3). Naʻe ʻaukai ai ʻa Sīsū ʻi he ʻaho ʻe 40 mo e pō ʻe 40 (Mātiu 4:1–11; Maʻake 1:12–13). Naʻe ngāue ʻaki ʻe Sīsū ʻa e hala mei Selūsalema ki Selikō ʻo fou atu ʻi he toafa Siuteá, ko e makatuʻunga ia ki he talanoa fakatātā ki he Tangata Samēlia leleí, koeʻuhí he naʻe faingofua hono ʻohofi ʻo e kakai fononga tāutaha ʻi he feituʻu ko iá (Luke 10:25–37). (Vakai ki he Fakahinohino ki he Ngaahi Folofolá, “Tahi Maté.”)