19. Sesalia pea mo e Toafa Tokalelei ʻo Sāloní ki Kāmeli

Hanga fakatokelau ki he taulanga ʻo Sesalia ʻi he kuonga muʻá. ʻOku ʻasi mai foki mo e ʻotu moʻunga Kāmelí ʻi he konga ki ʻolunga ʻo e taá.

Ngaahi Meʻa Mahuʻinga naʻe Hoko aí: Naʻe fehangahangai ʻa ʻIlaisiā mo e kau palōfita loi ʻa Pēalí ʻi he Moʻunga Kāmelí (1 Ng. Tuʻi 18). ʻOku tuʻu ʻi he hahake ʻo Sesaliá ʻa e Via Maris (Hala Tahí) pea ko ha hala mahuʻinga ia ʻi he kuonga muʻá. Naʻe hili hano maʻu ʻe Pita ha meʻa-hā-mai fakaofo lolotonga ʻo haʻane ʻi Siopa, naʻá ne kamata leva ke fai ʻa e ngāue fakafaifekau ki he kau Senitailé ʻi haʻane akoʻi ha ʻeikitau Loma ko hono hingoá ko Koniliusi ʻi Sesalia (Ngāue 10). Naʻe malanga mo nofo heni ʻa Filipe, pea naʻe ʻi ai hono ngaahi ʻofefine ʻe toko fā ʻa ia naʻa nau kikite (Ngāue 8:40; 21:8–9). Naʻe hoko ʻa Paula ko ha pōpula ʻi he koló ni ʻi ha taʻu ʻe ua (Ngāue 23–26). Naʻá ne malanga kia Filike, Fesitō, mo Hēlota ʻAkilipa II, ʻa ia naʻe folofola ange kiate ia ʻo pehē, “Kuó ke meimei fakahehemaʻi au ke u hoko ko ha Kalisitiane” (Ngāue 26:28).