Ɔfã 48
Nyikyerɛ a wɔnam Joseph Smith Nkɔnhyɛnyi no do dze mae wɔ Kirtland, Ohio, Ebɔw 10, 1831. Nkɔnhyɛnyi no ebisa Ewuradze kwan a wɔmfa do nnya nsaase mma Ahotseweefo no ma wɔntsena do. Iyi yɛ asɛnhia kɛse osiandɛ asɔrmba no wɔ dɛ wodzi dza Ewuradze ahyɛ hɔn dɛ wontu mmfi America boka apaamu mbehyia mu wɔ Ohio no do (hwɛ afã 37:1–3; 45:64).
1–3, Ahotseweefo a wɔwɔ Ohio no wɔ dɛ wɔnye hɔn nuanom no kyɛ hɔn nsaase no; 4–6, Ahotseweefo no wɔ dɛ wɔtɔ nsaase, wɔkyekyer kuropɔn, na wodzi afotu a hɔn dwumadzi mu banodzifo dze bɛma hɔn no do.
1 Ohia dɛ aber yi mu hom bɛtsena bea a hom tse yi ara, na dɛm beye ama hom.
2 Na susuampaara dɛ hom wɔ nsaase a ɔdɔɔ sõ no, hom amma hom nuanom a wofi boka apaamu no bi;
3 Na susuampaara dɛ hom nnyi nsaase no, hom mma wɔntɔ dza wɔhwɛ a oye ma hɔn wɔ apaamu ha aber yi ara mu, osiandɛ obehia ama hɔn dɛ wobenya beebi atsena aber yi mu.
4 Obehia dɛ hom sie hom sika nyinara dɛ mbrɛ hom botum, na hom nya dza hom botum enya nyinara wɔ kwan tsenenee do, ama ɔnnkɛkyɛr biara hom eetum aatɔ asaase a ɔbɛyɛ hom egyapadze, ɔyɛ bkuropɔn mpo.
5 Onnyi dɛ woyi hom bea no kyerɛ seseiara; na mbom ekyir no a hom nuanom no fi boka apaamu aba no, ambarimba binom wɔ hɔn mu a wobeyiyi hɔn, na hɔn na wɔbɛma bwoeehu dɛm bea no, anaadɛ hɔn na wobeyi akyerɛ hɔn.
6 Na wobeyi hɔn ma wɔaakɔtɔ nsaase no, na wɔahyɛ ase atow akuropɔn no ne fapem; na afei hom bɛhyɛ ase aboaboa hom ebusua ebusua ano, ɔbarimba biara nye bn’ebusua dɛ mbrɛ ne gyinabew tse, na mbrɛ asɔr mu president na n’apamfo nye asɔr no mu bishop no bɛkyerɛ hɔn dɛ wɔnyɛ a ɔfa mbra nye mbrasɛm a hom nsa akã, nye dza hom nsa bɛka no ekyir yi do. Ɔnyɛ hɔ dɛm. Amen.