Ɔfã 7
Nyikyerɛ a wɔdze maa Joseph Smith Nkɔnhyɛnyi no na Oliver Cowdery, wɔ Harmony, Pennsylvania, Ebɔbira 1829, ber a wɔnam Urim na Thummim no do dze bisaa dɛ ana John, osuanyi a wɔdɔɔ no no da ho tse ase anaa oewu no. Nyikyerɛ no yɛ abakɔsɛm a John kyerɛɛ ase wɔ abowa no nwoma do na nankasa dze kosumae.
1–3, John a Wɔdɔɔ no no bɛtsena ase ekodu dɛ Ewuradze bɛba; 4–8, Peter, James, na John na wokitsa asɛmpa ne nsaafee no.
1 Na Ewuradze see me dɛ: aJohn, mo dɔfo, ebɛnadze na bepɛ? Na sɛ ibisa dza epɛ a, wɔdze bɛma wo.
2 Na mesee no dɛ: Ewuradze, ma me tum wɔ aowu do, ama maatsena ase na medze akra abrɛ wo.
3 Na Ewuradze see me dɛ: Nokwar, nokwar, mese wo dɛ, osiandɛ iyi na epɛ ntsi, aebɛtsena ase ekodu dɛ mebɛba wɔ bm’enyimnyam mu, na cebɛhyɛ nkɔm wɔ aman ebusuakuw, kasa horow nye nyimpa enyim.
4 Na osian iyi ntsi, Ewuradze see Peter dɛ: Sɛ mema ɔtsena ase kodu dɛ mebɛba a, iyi fa wo ho bɛn? Osiandɛ ɔpɛɛ fii me hɔ dɛ, obotum dze akra abrɛ me, na mbom ɔwo dze epɛ dɛ eba me nkyɛn ntsɛm wɔ am’ahenman mu.
5 Mese wo dɛ, Peter, w’apɛdze yi ye; na mbom mo dɔfo pɛ dɛ ɔyɛ dza ɔbor do, anaadɛ odzi dwuma kɛsenara wɔ nyimpa mu kyɛn dza ɔayɛ no dada no.
6 Nyew, ɔafa edwuma kɛse ato no do; dɛm ntsi mebɛyɛ no dɛ ogyaframee na aɔbɔfo a ɔsom; na ɔbɔsom hɔn a wɔbɛyɛ bnkwagye ho adzedzifo a wɔtse casaase do no.
7 Na mebɛma asom no nye wo nua James; na hom baasa yi na medze dɛm tum nye ɔsomdwumadzi yi ho ansaafee bɛma ekodu dɛ mebɛba.
8 Nokwar mese hom dɛ, hom beenu nyina benya hom apɛdze, osiandɛ hom beenu nyina wɔ aenyigye wɔ hom apɛdze ho.