1 Tsie, na hwɛ, ndze bi a ɔsõ na tum wɔ mu fi sor retsẽa mu wɔ ase ha dze rokɔ asaase n’ano nyina, nyew, na ndze no ɔwɔ hɔ ma adasa, na ɔse—Hom ^ansiesie Ewuradze no kwan, hom mma n’atsempɔn ntsentsen.

2 Wɔdze Nyankopɔn ^an’ahenman ne ^bnsaafee no ama nyimpa wɔ asaase do, na asɛmpa no bepirepirew efi hɔ akɔ asaase ano nyina, tse dɛ ^cɔbo bi a wɔnndze nsa twae fii bepɔw mu no bepirepirew ekesi dɛ ^dɔbɛtahye asaase nyina do.

3 Nyew, ndze bi retsea mu dɛ—Hom nsiesie Ewuradze no kwan, hom nsiesie ^aEguambaa no n’edzidzi, na hom nyɛ krado ntweɔn ^bAyeforkun no.

4 Hom mbɔ mpaa mma Ewuradze, hom mbɔ ne dzin krɔnkrɔn no, hom nda ndwuma nwanwa no edzi wɔ nyimpa mu.

5 Hom mfrɛ Ewuradze, ama n’ahendzi atserɛw wɔ asaase do, ama hɔn a wɔtse do no aagye, na hom nsiesie homho mfa mma nda a ɔreba no, no mu na Nyimpa Ba no ^abesian dze sor aba asaase do ^befura ^cn’enyimnyam a ɔhyerɛn no, ebehyia ^dNyankopɔn n’ahenman a ɔakyekyer no asaase do no.

6 Dɛm ntsi, hom mma ^aNyankopɔn n’ahenman no nnyin, ama ^bɔsor ahenman no aaba, ama ɔwo, O Nyankopɔn, aama wɔaahyɛ wo enyimnyam wɔ sor nye asaase, aama wɔaakã w’atamfo ahyɛ, na ɔwo na ^cenyidzi, tum nye enyimnyam yɛ wodze afebɔɔ kesi afebɔɔ. Amen.