Ɔfã 75
Nyikyerɛ a wɔnam Joseph Smith Nkɔnhyɛnyi no do dze mae, wɔ Amherst, Ohio, Sanda 25, 1832. Nyikyerɛ asorɔtow ebien na ɔwɔ ɔfã yi mu (dza odzi kan no wɔ nkyekyɛmu 1 dze kesi 22 na dza otsĩa ebien no wɔ nkyekyɛmu 23 dze kesi 36) a wɔmaa no dakor noara mu. Dɛm aber no yɛ ehyiadzi ase a wɔmaa Joseph Smith tsipia na wɔhyɛɛ no Asɔfodzi a Ɔkrɔn no ne President. Elderfo binom pɛɛ dɛ wosua hɔn edwuma a wɔrekɛyɛ no aber no mu no ho ndzɛmba yie. Nyikyerɛ yinom na ɔtoaa do.
1–5, Elderfo nokwafo no a wɔkã asɛmpa no benya nkwa a onnyiewiei; 6–12, Bɔ mpaa fa nya Ɔwerɛkyekyefo no a, ɔno na ɔkyerɛkyerɛ ndzɛmba nyina no; 13–22, Elderfo bɛtsena ase ebu hɔn a wɔpoow hɔn nsɛm no atsɛn; 23–36, Asɛmpasomafo no hɔn ebusua-ebusua no wɔdɛ wɔgye mboa fi Asɔr no hɔ.
1 Nokwar, nokwar, Mese hom dɛ, Emi a medze mo aSunsum ne ndze mpo rekasa yi, bAlpha na Omega mpo, hom Ewuradze na hom Nyankopɔn—
2 Hom ntsie, O hom a hom dze hom edzin ama dɛ hom bɔkɔ akɔbɔ m’asɛmpa no dawur, na hom abesiesie mo bwenyin ture mu no.
3 Hwɛ, mese hom dɛ, ɔyɛ me pɛ dɛ hom bɔkɔ ntsi, mma hom nnkyinkyim, na mma hom nnyɛ aenyihafo so, mbom hom mfa hom ahoɔdzen nyɛ edwuma—
4 Hom mma hom ndze do dɛ mbrɛ hom dze totorobɛnto ndze kɛse arobɔ bnokwar no ho dawur dɛ mbrɛ nyikyerɛ na mbrasɛm a medze ama hom no kyerɛ.
5 Na sɛ hom dzi nokwar a, wɔbɛkyekyer aefi-efi pii basoa hom, na wɔbɛhyɛ hom cenyidzi na denyimnyam ahenkyɛw, na hom enya ebɛkyebo nye fonnyiewiei nkwa.
6 Dɛm ntsi, nokwar, mese m’akowaa William E. McLellin dɛ, amekantse dwuma a medze hyɛɛ ne nsa dɛ ɔnkɔ boka afamu nkurow do nkɛyɛ no;
7 Na medze dwumadzi nye mbrasɛm fofor ma no, iyi mu na Emi, Ewuradze, ametsẽa no wɔ n’akoma a bohwinhwin ho;
8 Na ɔyɛɛ bɔn; naaso medze akyɛ no, na mese no bio dɛ, kɔ ɔman a ɔwɔ anaafo afamu no mu.
9 Na ma m’akowaa Luke Johnson nye no nkɔ, na wɔmbɔ dza medze ahyɛ hɔn no ho dawur—
10 Wɔmbɔ Ewuradze ne dzin mbisa aƆwerɛkyekyefo no, a ɔbɛkyerɛkyerɛ hɔn ndzɛmba nyinara a ohia ma hɔn—
11 aWɔmbɔ mpaa aber nyina amma wɔanntɔ bitsi; na susuampaara dɛ wɔbɛyɛ dɛm no, mebɛkã hɔn ho dze ekesi ewiei mpo.
12 Hwɛ, iyi nye Ewuradze hom Nyankopɔn ne pɛ a ɔwɔ ma hom. Ɔnyɛ hɔ dɛm. Amen.
13 Na bio, nokwar, dɛm na Ewuradze se, ma m’akowaa aOrson Hyde nye m’akowaa bSamuel H. Smith ntu hɔn kwan nkɔ boka afamu aman no mu, na wɔnkɔbɔ dza mahyɛ hɔn no dawur; na mber dodow biara a wobedzi nokwar no, hwɛ, cmebɛkã hɔn ho dze ekesi ewiei.
14 Na bio, nokwar mese m’akowaa Lyman Johnson, nye m’akowaa aOrson Pratt dɛ hɔn so wobotu hɔn kwan akɔ boka afamu aman no mu; na hwɛ, menye hɔn so wɔ hɔ kesi ewiei mpo.
15 Na bio, mese m’akowaa Asa Dodds nye m’akowaa Calves Wilson, dɛ hɔn so wontu hɔn kwan nkɔ anee afamu aman mu, na wɔnkɔbɔ m’asɛmpa no dawur dɛ mbrɛ mahyɛ hɔn no.
16 Na nyia obedzi nokwar no bedzi ndzɛmba nyinara do konyim, na awɔbɛma no do wɔ da a odzi ewiei no mu.
17 Na bio, mese m’akowaa Major N. Ashley, na m’akowaa Burr Riggs dɛ wontu hɔn kwan nkɔ anaafo afamu aman no mu.
18 Nyew, ma wontu hɔn kwan no, dɛ mbrɛ mahyɛ hɔn no, womfi fie mu nkɔ fie mu, womfi ekuraase mu nkɔ ekuraase mu, na womfi kurow mu nkɔ kurow mu.
19 Na fie biara a hom bɛhɛn mu no, sɛ wɔgye hom a, hom ngyaa hom nhyira ngu dɛm fie no do.
20 Na fie biara a hom bɛhɛn mu no, sɛ wɔanngye hom a, hom mfi dɛm fie no mu ntsɛmara, na hom amporoporow hom ananadze huntuma ngu hɔ mfa ngye dase ntsia hɔn.
21 Na dɛw na aenyigye bɛhyɛ hom mã; na hom nhu iyi, dɛ atsɛmbu da no, hom bɛyɛ batsɛmbuafo ama dɛm fie no, na hom ebu hɔn fɔ;
22 Na obeye koraa ama abosonsɔrfo wɔ atsɛmbu da no mu akyɛn dɛm fie no; dɛm ntsi, hom ambɔ hom asen do na hom ndzi nokwar, na hom bedzi ndzɛmba nyina do konyim, na wɔbɛma hom do wɔ da a odzi ewiei no mu. Ɔnyɛ hɔ dɛm. Amen.
23 Na bio, dɛm na Ewuradze se hom, O hom m’asɔr mu elderfo, a hom dze hom edzin ama, aama hom eetum ehu ne pɛ a ɔwɔ no wɔ hom ho—
24 Hwɛ, mese hom dɛ, ɔyɛ asɔr no n’edwuma dɛ ɔboa ma wɔhwɛ hɔn ebusa-ebusua, na ɔhwɛ hɔn a wɔafrɛ hɔn na ɔwɔ dɛ wɔsoma hɔn dɛ wɔnkɔbɔ asɛmpa no ho dawur nkyerɛ wiadze no hɔn ebusua-ebusua so.
25 Dɛm ntsi, emi Ewuradze, medze dɛm mbrasɛm yi ma hom dɛ susuampaara dɛ hom nuanom enya pɛ dɛ wobobue hɔn akoma mu no, hom mpɛ tsenabew mfa mma hom ebusua-ebusua.
26 Na ma hɔn a wobenya tsenabew ama hɔn ebusua-ebusua nyinara na asɔr no so bɔhwɛ hɔn no, mmpow dɛ wɔbɔkɔ wiadze, sɛ wɔbɔkɔ boka anaa anee, anaa etsifi anaa anaafo afamu a.
27 Ma wombisa na hɔn nsa bɛkã, wɔmbɔ mu na wobobue ama hɔn, na aƆwerɛkyekyefo no fi sor bɛma woehu bea a ɔwɔ dɛ wɔkɔ.
28 Na bio, nokwar, mese hom dɛ, obiara a nankasa botum aahwɛ bn’ebusua no, wɔmma ɔnhwɛ hɔn, na ɔrennyew n’ahenkyɛw dabiarada; na wɔmma ɔnyɛ edwuma wɔ asɔr no mu.
29 Wɔmma obiara ansi nketse wɔ ndzɛmba nyinara mu. Na bonyihafo rinnya tsenabew wɔ asɔr no mu, gyedɛ onu noho na ɔsesã n’akwan.
30 Dɛm ntsi, ma m’akowaa Simon Carter na m’akowaa Elmer Harris mbɔ mu kor wɔ ɔsomdwumadzi mu;
31 Na m’akowaa Ezra Thayre so nye m’akowaa aThomas B. Marsh;
32 Na m’akowaa Hyrum Smith nye m’akowaa Reynolds Cahoon so;
33 Na m’akowaa Daniel Stanton nye m’akowaa Seymour Brunson so;
34 Na m’akowaa Sylvester Smith nye m’akowaa Gideon Carter so;
35 Na m’akowaa Ruggles Esmes nye m’akowaa Stephen Burnett so;
36 Na m’akowaa Micah B. Welton nye m’akowaa Eden Smith so. Ɔnyɛ hɔ dɛm. Amen.