Ɔfã 51
Nyikyerɛ a wɔnam Joseph Smith Nkɔnhyɛnyi no do dze mae, wɔ Thompson, Ohio, Esusow Aketseaba 20, 1831. Aber yi no, nna Ahotseweefo no a woetu efi boka nkurow do no ahyɛ ase dɛ worudu Ohio, dɛm ntsi, nna ekehia dɛ wɔyɛ nhyehyɛɛ a ɔbɛma woenya beebi atsena. Na ɔnam dɛ, nna dɛm dwumadzi no yɛ bishop ne ɔfrɛ ntsi, Bishop Edward Partridge bisaa dza ɔnyɛ wɔ dɛm adze no ho, na Nkɔnhyɛnyi no bisaa Ewuradze.
1–8, Woyi Edward Partridge dɛ ɔnhwɛ dwumadzi horow na egyapadze no; 9–12, Ɔwɔ dɛ Ahotseweefo no dzi nokwar na wɔkyɛ biribiara pɛpɛɛpɛr; 13–15, Ɔwɔ dɛ wonya bishop n’adzekorabea, na wɔhyehyɛ egyapadze no dɛ mbrɛ Ewuradze ne mbra se; 16–20, Ɔwɔ dɛ Ohio yɛ bea a wɔbɔboa hɔn ano wɔ mber tsiabaa mu.
1 Hom ntsie me, hom Ewuradze Nyankopɔn na ɔse, mebɛkasa akyerɛ m’akowaa aEdward Partridge, na makyerɛ no kwan a ɔmfa do mfa nhwɛ dɔm yi do.
2 Na ohia dɛ wɔfa me ambra no do dze yɛ nhyehyɛɛ ma hɔn; na sɛ annyɛ dɛm a, wobotwa hɔn akyen.
3 Dɛm ntsi, hom mma m’akowaa Edward Partridge, nye hɔn a wɔasan mu eyi hɔn a m’enyi gye hɔn ho no nkyekyɛ nkorɔfo yi hɔn afamudze apɛpɛɛpɛr mfa mma nyimpa biara dɛ mbrɛ n’ebusua no dodow tse, dɛ mbrɛ ne gyinabew nye bn’ehiadze tse.
4 Na sɛ m’akowaa Edward Partridge, dze nyimpa biara n’afamudze ma no a, hom mma ɔmma no nwoma bi a ɔkyerɛ n’afamudze a ɔdze ama no, ama ɔaayɛ nedze wɔ ber a ɔyɛ asɔrba no, osiandɛ iyi yɛ ne kyɛfa na n’egyapadze wɔ asɔr no mu, kɛpem ber a ɔbɔto mbra na asɔrmba bɛkã dɛ onndzi mu wɔ aasɔr no mu mbra na ahyɛmudzi ho, na dɛm ntsi, ɔmmfata dɛ ɔkã asɔr no ho.
5 Na sɛ ɔtõ mbra na asɔrmba no se onndzi mu dɛ ɔbɛkã asɔr no ho a, onnyi tum dɛ ɔbɛgye adze biara a ɔdze abɔ afɔr dze ama bishop no dɛ ɔmfa mma abɔbɔfo na ehiafo a wɔwɔ asɔr no mu no; dɛm ntsi orunntum nngye dɛm akyɛdze no, na mbom ne nsa bɛkã n’afamudze a wɔdze ayɛ krataa ama no no nko.
6 Na dɛm na ɔsɛ dɛ wosi ndzɛmba nyinara pi dɛ ambrɛ basaase no do mbra no se.
7 Na hom mfa dza ɔyɛ nkorɔfo yi dze no mma hɔn.
8 Na asika a woegya dze ama nkorɔfo yi no—hom nyi ananmusinyi bi nnsi hɔ mma nkorɔfo yĩ, na ɔmfa bsika no ntɔ edziban na ntar mma nkorɔfo yi dɛ mbrɛ hɔn ehiadze tse.
9 Na hom mma obiara andzi nokwar, na hom nye nkorɔfo yi nyɛ kor ntsena, na hom nkyɛ biribiara pɛpɛɛpɛr, ama hom aayɛ bkor dɛ mbrɛ mahyɛ hom no.
10 Na mma hom mma kwan mma wɔmmfa dza ɔyɛ nkorɔfo yi dze no nnkɛma aasɔr bi so mu mba.
11 Dɛm ntsi, sɛ asɔr bi so mu mba bɛgye sika fi asɔr yi mu a, hom mma wontua mma asɔr yi dɛ mbrɛ nhyehyɛɛ a wɔbɛyɛ no tse;
12 Na iyi wondua bishop anaa ananmusinyi no a aasɔrmba no bɛkã dze eyi ama hɔn no do nyɛ.
13 Na bio, hom mma bishop no nhwehwɛ aadzekorabea mma asɔr yi; na hom mfa ndzɛmba nyinara a ɔyɛ sika na edziban a abor nkorɔfo yi behiadze do no mma bishop ma ɔmfa nsie.
14 Na hom mma no so mfa bi nsie mma nankasa noho nye n’ebusua so, tse dɛ ma hom afa no dɛ ɔnyɛ dɛm edwuma yi.
15 Na dɛm ntsi mema nkorɔfo yi kwan dɛ wɔmboa hɔn ano ntsena dɛ mbrɛ me ambra se.
16 Na mehyira adɛm asaase yi dze ama hɔn mber kakraabi, kodu dɛ emi, Ewuradze, mebɛma hɔn beebi fofor na mahyɛ hɔn dɛ wɔnkɔ hɔ;
17 Na dɔn nye da no dze, wɔmmfae mmaa hɔn; dɛm ntsi, hom mma wɔntsena asaase yi do dɛ mbrɛ wɔbɛtsena do mfe pii, na iyi bɛyɛ papa ama hɔn.
18 Hwɛ, iyi bɛyɛ aesusudze ama m’akowaa Edward Partridge, wɔ mbea fofor nye nsɔr nyina mu.
19 Na nyia wobohu dɛ odzi nokwar, odzi pɛrpɛr, na ɔyɛ aodwumayɛnyi nyansafo no ɔbɔkɔ ne Ewuradze ne bdɛwdzi mu na obenya nkwa a onnyiewiei.
20 Nokwar, mese hom dɛ, emi nye Jesus Christ, nyia aɔreba ntsɛm wɔ bdɔn a hom nnyim mu no. Ɔnyɛ hɔ dɛm. Amen.