Ɔfã 89
Nyikyerɛ a wɔnam Joseph Smith Nkɔnhyɛnyi no do dze mae wɔ Kirtland, Ohio, Kwakwar 27, 1833. Towa a nna tsetseberdo enuanom no nom wɔ nhyiamu ase no maa Nkɔnhyɛnyi no dwendween asɛm no ho; iyi gyaa no ma obisaa Ewuradze wɔ ho. Nyikyerɛ a wɔfrɛ no Enyansasɛm yi, nye no nsunsuando.
1–9, Wɔbra wenyin, nsãdzen, towa na anondze a ɔyɛ hyew; 10–17, Wohyira nhaban, nduadzewa, bɔnam na ewifua do ma nyimpa na mbowa dɛ wondzi; 18–21, Asɛmpa ne mbra, nye Enyansasɛm ho setsie dze honam mu na sunsum mu nhyira ba.
1 aEnyansasɛm a ɔbɛyɛ mfaso ama asɔfompanyin abaguafo a woehyia mu wɔ Kirtland, nye asɔr, nye ahotseweefo so a wɔwɔ Zion—
2 Wɔrebrɛ hom nhyira; nnyɛ mbrasɛm kwan do, nna nnyɛ nhyɛ kwan do so, mbom wɔ nyikyerɛ nye enyansasɛm kwan do a ɔkyerɛ nhyehyɛɛ na aNyankopɔn ne pɛ a ɔbɛma ahotseweefo nyina enya hɔn honandua mu nkwagye wɔ nda a odzi ewiei yi mu—
3 Ɔyɛ nhyehyɛe a aanohoba bata ho a wɔdze ama a wɔadan no ama ahotseweefo a wɔyɛ mberɛw anaa wɔyɛ mberɛw koraa; hɔn a wɔyɛ anaa yebotum afrɛ hɔn bahotseweefo.
4 Hwɛ, nokwar, dɛm na Ewuradze se hom: Ɔnam abɔn na nhyehyɛɛ a ɔbɔwɔ bnkorɔfo a wosusu bɔn wɔ hɔn akoma mu wɔ nda a odzi ewiei yi mu ntsi, cmabɔ hom kɔkɔ, na medze dɛm nyikyerɛ a ɔyɛ enyansasɛm yi rema hom dze abɔ hom kɔkɔ—
5 Dɛ susuampaara dɛ obi wɔ hom mu a ɔnom awenyin anaa nsãdzen no, hwɛ ɔnnyɛ adze pa, nna ɔnnyɛ adze pa so wɔ hom Egya n’enyi do, gyedɛ hom ehyia mu ridzi hom sacrament wɔ n’enyim nko.
6 Na, hwɛ, iyi so mpo wɔ dɛ ɔyɛ wenyin, nyew, awenyin krɔngyekrɔngye a ofi wenyindua do a homankasa ayɛ.
7 Na, bio, ansãdzen onnye mma hom yafun, mbom hom mfa nguar hom nyimpadua—
8 Na bio, towa onnye mma anyimpadua no, nna onnye so mma yafun, na onnye mma nyimpa, mbom ɔyɛ habandur a wɔdze yɛ ekur mu nye anantwi a wɔyar, ɔsɛ dɛ nyia ɔawea ho na ɔdze yɛ na ɔyɛ no no kwan do.
9 Na bio, anondze a ɔyɛ hyew so onnye mma nyimpadua anaadɛ yafun.
10 Na bio, nokwar, mese hom dɛ, anhaban pa nyina Nyame ehyira do ama nyimpa, ama ne bɔbea, awoo su, na dɛ nyimpa ndzi—
11 Nhabanhaban biara a ɔsow wɔ ne hyɛber mu, nye nduaba biara so a ɔsow wɔ ne hyɛber mu; iyinom nyinara ɔsɛ dɛ wodzi no nyansa mu na awɔda ase wɔ ho.
12 Nyew, ahamu mbowa nye wimu nnoma so hɔn bnam, emi Ewuradze mehyira do ama nyimpa dɛ wondzi na wɔnda ase wɔ ho; na mbom cwonsɔn ndzi no nyansa mu.
13 Na ɔbɛyɛ me enyigye dɛ wonnkedzi gyedɛ awɔwber anaa awɔw mu, anaa ɔkɔmber mu nko.
14 aEwifua nyina woehyira do ama nyimpa na mbowa dɛ wondzi, dɛ ɔnyɛ nkwa poma, nnyɛ nyimpa nko dze, na mbom hamu mbowa, nye sor ntumbowa, nye mbowa abɔyafo nyinara a wotu enguan anaa wɔwea wɔ asaase do so dze;
15 Na iyinom na Nyankopɔn abɔ ama nyimpa dɛ wondzi wɔ ɔkɔmber mu nko anaadɛ ber a ɔkɔm esi dzendzenndzen no.
16 Ewifua nyina yɛ edziban pa ma nyimpa; dɛmara na wenyin n’eduaba so ye; dua biara a ɔsow eduaba, dɛ ɔwɔ asaase do, anaadɛ ɔsor.
17 Eso, ewifua ye ma nyimpa, na eburow ye ma anantwi, na oats so ye ma mpɔnkɔ, na rye so ye ma nnoma nye mpreko, nye mbowa nyina a wɔwɔ haban mu, na atoko dze oye ma mbowa a hɔn ho hia, na wɔdze yɛ mborɔnsã dɛ mbrɛ wɔdze ewifua binom so yɛ.
18 Na ahotseweefo nyina a wɔkaa na wodzi nsɛm yinom do, na wɔyɛ setsie dze mbrasɛm no bɔ hɔn bra no benya aapɔwmudzen wɔ hɔn funuma mu, na woenya ehuon ama hɔn mbiew;
19 Na wobenya anyansa na bnyimdzee mu ehutudze kɛsenara, nsumaamu ehutudze no.
20 Na awobotu mbirika na wɔnnkɛberɛ, na wɔbɛnantsew na wɔnnkɔtɔ bitsi.
21 Na Emi, Ewuradze mobɔ hɔn aanohoba, dɛ bɔfo ɔsɛɛfo no bbɛpa hɔn ho dɛ mbrɛ ɔyɛe maa Israelmba no, na orunnkum hɔn. Amen.