Ɔfã 66
Nyikyerɛ a wɔnam Joseph Smith Nkɔnhyɛnyi no do dze mae, wɔ Hiram, Ohio, Ɔbɛsɛ 29, 1831. Nna William E. McLellin atotɔ aserɛ Ewuradze kokoa mu dɛ Ondua Nkɔnhyɛnyi no mu nda nsɛmbisa enum a Joseph Smith nnyim ho hwee no ho mbuae no edzi. McLellin n’ebisadze ho ntsi Nkɔnhyɛnyi no bisae na onyaa nyikyerɛ yi.
1–4, Ahyɛmu a ɔwɔ hɔ daapem no nye asɛmpa ne mãhyɛ; 5–8, Elderfo no wɔdɛ wɔkã nyamesɛm, gye dase, na wɔnye nkorɔfo yi atsɛn; 9–13, Sɛ wɔyɛ ɔsomdwuma nokwar mu a osi egyapadze a ɔyɛ nkwa a onnyiewiei no pi.
1 Hwɛ, dɛm na Ewuradze mekã kyerɛ m’akowaa William E. McLellin—Nhyira nkã wo, susuampaara dɛ adan efi wo bɔn ho, na agye mo nokwar no, dɛm na Ewuradze wo Pomfo no a ɔyɛ wiadze Agyenkwa no kã kyerɛ wo nye dɔm dodow biara mpo a awɔbɛgye me dzin edzi no.
2 Nokwar, mese wo dɛ, nhyira akã wo, osiandɛ agye me aahyɛmudzi a ɔwɔ hɔ daapem no, m’asɛmpa ne mãhyɛ no a wɔasoma ma wɔdze abrɛ adasamba no, ama woeenya bnkwa na wɔaayhɛ hɔn enyimnyam a wɔrebɛda no edzi wɔ nda a odzi ekyir no mu no fafafo, dɛ mbrɛ nkɔnhyɛfo na asomafo no kyerɛwee wɔ tsetseberdo no.
3 Nokwar, mese ɔwo m’akowaa William dɛ wo ho atsew, na mbom inndzii mu; dɛm ntsi, nu woho fi ndzɛmba a ɔnnsɔ m’enyi ho, Ewuradze na ɔse, na Ewuradze beyi aakyerɛ wo.
4 Na hwɛ, nokwar, Emi, Ewuradze, mibeyi dza mepɛ a ɔfa wo ho akyerɛ wo, anaadɛ dza ɔyɛ me pɛ a ɔfa wo ho edzi akyerɛ wo.
5 Hwɛ, nokwar, mese wo dɛ, ɔyɛ me pɛ dɛ ebɔbɔ m’asɛmpa no adawur fi asaase kɔ asaase, fi kurow kɔ kurow, nyew, wɔ dɛm mantɔw no a etwa ehyia a wɔmmbɔɔ no dawur wɔ hɔ no.
6 Mma nntweɔn mber pii wɔ bea yi do; mma nnkɔ Zion asaase no do seseiara; mbom susuampaara dɛ ibotum asoma no, soma; na mbom, mma nndwen w’egyapadze ho.
7 aKɔ boka afamu nsaase do, kɛgye bdase wɔ bea biara do, gye kyerɛ nyimpa nyinara, wɔ hɔn nhyiamudan mu, na enye dɔm no nyi atsɛn.
8 Ma m’akowaa Samuel H. Smith nye wo nkɔ, na mma mmpow no, na ma no nkyerɛkyerɛ; na nyia obedzi nokwar no, wɔbɛhyɛ no adzen wɔ beebiara, na Emi, Ewuradze, menye wo bɔkɔ.
9 Fa wo ansa gu ayarfo do, na bwobenya ayarsa. Mma nnsan w’ekyir kesi dɛ Emi, Ewuradze, mobɔsoma wo. Nya abotar wɔ amandzehu mu. cBisa na wo nsa bɛkã; bɔ mu, na wobobue ama wo.
10 Mma nnhaw wo ho. Twẽ woho fi dza ɔnntsen nyina ho. Mma anntõ awar—iyi yɛ nsɔhwɛ a ɔhaw wo.
11 aDzi nsɛm yinom do, osiandɛ ɔyɛ ampa nye nokwar; krɔn wo dzibew, na twẽ dɔm pii ma wɔntow daapem enyigye bndwom mfa nkɔ cZion.
12 aKɔ do dzi dɛm ndzɛmba yinom do kɔ ewiei, na ibenya onnyiewiei nkwa bahenkyɛw no wɔ m’Egya n’abanyimfa hɔ, nyia adom na nokwar ahyɛ no mã no.
13 Nokwar, dɛm na Ewuradze wo aNyankopɔn se, wo Pomfo, Jesus Christ mpo. Amen.