Ɔfã 112
Nyikyerɛ a wɔnam Joseph Smith Nkɔnhyɛnyi no do dze maa Thomas B. Marsh, wɔ Kirtland, Ohio, Ayɛwoho 23, 1837, a ɔfa Eguambaa n’Asomafo Duebien no. Onyaa nyikyerɛ yi da no a Elderfo Heber C. Kimball na Orson Hyde dzii kan kãa Asɛmpa no wɔ Ngyiresiman mu no. Dɛm aber no, nna Thomas B. Marsh nye Asomafo Duebien no hɔn Quorum no hɔn President.
1–10, Duebien no wɔ dɛ wɔdze asɛmpa no kɔ na wɔma kɔkɔbɔ ndze do dze bɔ aman na nkorɔfo nyina kɔkɔ; 11–15, Ɔwɔ dɛ wɔfa hɔn mbeamudua, wɔkã Jesus do, na wɔnyɛn No nguan no; 16–20, Hɔn a wɔgye President a Odzi Kan no na n’Apamfo no gye Ewuradze; 21–29, Sum kata asaase do, na hɔn a wɔgye dzi na wonuma hɔn no na wɔbɛgye hɔn nkwa; 30–34, President a Odzi Kan no na n’Apamfo nye Duebien no na wokura mberano ne mãhyɛ ne nsaafee no.
1 Nokwar, dɛm na Ewuradze se ɔwo m’akowaa Thomas: matse wo mpaabɔ; na w’ayɛ dze abɛyɛ ankaadze wɔ m’enyim, dza aayɛ ama wo nuanom no a woyii hɔn dɛ wɔnkɛgye me dzin ho dase na bwɔmfa nkɔ aman, ebusuakuw, kasahorow, na nyimpa nyinara mu, na wondua mo nkowaa do nhyɛ hɔn asɔfo no.
2 Nokwar, mese wo dɛ, ndzɛmba kakra bi wɔ w’akoma mu nye wo ho a Emi, Ewuradze, m’enyi nngye ho.
3 Eso, susuampaara dɛ aabrɛ woho adze no, wɔbɛma wo do; dɛm ntsi, wɔdze wo bɔn nyinara akyɛ wo.
4 Ma w’akoma aenyi ngye wɔ m’enyim; na ebɛgye me dzin ho dase, na nnyɛ bAmanamamfo nko, na mbom ebɛgye akyerɛ cJewfo so; na edze m’asɛm bɔkɔ akɛpem asaase n’ano n’ano.
5 Dɛm ntsi, enye hɔn ansi, fi adzekyee kesi adzekyee; na ma wo bkɔkɔbɔ ndze no nkɔ do ofi da to da; na sɛ adzesaa ba a, osian wo kasaa ntsi, mma hɔn a wɔwɔ asaase do no nntɔ nkom.
6 Ma wonhu wo tsenabew wɔ Zion, na amma nntu mmfi wo fie hɔ; osiandɛ Emi, Ewuradze, mowɔ edwuma kɛse bi wɔ hɔ a erebɛyɛ, dɛ ebɔbɔ me dzin dawur wɔ adasamba mu.
7 Dɛm ntsi, abɔ w’asen do wɔ edwuma no ho. Hyɛ wo nsokota, osiandɛ wɔasan mu eyi wo, na wo kwan da mbepɔw do, na aman pii mu.
8 Na wɔnam w’asɛm do nyimpa mbapɔmba no awɔbɛbrɛ hɔn adze, na ɔnam w’asɛm do bɔkrɔn akɔhweaban no.
9 Wo ndze bɛkã mbratonyi enyim; na sɛ ekã enyim a ma tɛkyerɛma a ɔsɛɛ nkorɔfo edzin no nngyaa ne nsɛnkekã.
10 aBrɛ wo hoadze; na Ewuradze wo Nyankopɔn bosuo wo nsamu agye wo taataa, na ɔama wo wo mpaabɔ ho mbuae.
11 Minyim w’akoma mu, na matse wo mpaabɔ a ɔfa wo nuanom no ho. Mma nndɔ hɔn nnkyɛn binom, mbom ma wo adɔ a ewɔ ma hɔn nyɛ dɛ dza ewɔ ma wankasa woho; na ma wo dɔ nsõ nyimpa nyina do, nye hɔn so a wɔdɔ me dzin.
12 Na bɔ mpaa fa ma wo nuanom Duebien no. Osian me dzin no ntsi, kã hɔn enyim dzendzenndzen, na ma wɔnkã hɔn enyim wɔ hɔn bɔn nyina ho, na dzi nokwar wɔ m’enyim ma me adzin.
13 Na hɔn ansɔhwɛ, na babɛbrɛsɛ kɛse ekyir no, hwɛ, Emi, Ewuradze, mibenya tsema ama hɔn, na sɛ woemmpirim hɔn akoma, na wɔannyɛ asokyew a, cwɔbɛsakyer hɔn, na mebɛsa hɔn yar.
14 Afei, mese wo dɛ, dza mekã kyerɛ wo no, mekã kyerɛ Duebien no nyina: Hom nsoɛr na hom mbɔ hom asen do, hom mfa hom ambeamudua, hom nkã mo do, na hom bnyɛn mo nguan.
15 Mma hom mmema homho do; mma hom anntsew etua wɔ m’akowaa Joseph do; na nokwar, mese hom dɛ mekã no ho, na me nsa bɔkora no do, na bnsaafee a medze ama no, na maatsen wɔ hom so do no, wɔrenngye mmfi no hɔ kesi dɛ mebɛba.
16 Nokwar, mese ɔwo, m’akowaa Thomas dɛ, ɔwo nye nyimpa a masan mu eyi dɛ onkura m’ahenman ne nsaafee no, dza ɔfa Duebien no a woetu kwan kɔ amanandze wɔ aman nyina do no—
17 Ama aayɛ m’akowaa a obobue ahenman n’abow wɔ mbea nyinara a m’akowaa Joseph, nye m’akowaa aSidney, nye m’akowaa bHyrum nnkotum aba hɔ no;
18 Na hɔn do na medze nsɔr nyina hɔn adzesoa asoa hɔn wɔ hyɛber kakra mu no.
19 Dɛm ntsi, beebiara a wɔbɔsoma hom no, hom nkɔ na mebɛkã hom ho; na beebiara a hom bɔbɔ me dzin no wobobue hom abow a abiribi befir mu, ama woeetum agye m’asɛm.
20 Obiara a aɔgye m’asɛm no ɔgye me, na obiara a ɔgye me no, ɔgye hɔn, President a Odzi Kan na n’Apamfo no, hɔn na masoma hɔn no, hɔn na osian me dzin ntsi, mayɛ hɔn apamfo ama hom.
21 Na bio, mese hom dɛ, obiara a hom bosoma no wɔ me dzin mu no, na enuanom aDuebien no, dze hɔn ndze akamfo no, na wɔaama no btumdzi, wɔ no kwan do no, benya tum dze ebue m’ahenman n’abow ama ɔman biara a ɔwɔ beebiara a hom bɔsoma hɔn no—
22 Susuampaara dɛ wɔbɛbrɛ hɔnho adze wɔ m’enyim, na wɔatsena m’asɛm mu, na awɔayɛ aso ama mo Sunsum ne ndze no.
23 Nokwar, nokwar, mese hom dɛ, asum kata asaase do, na sum kebii ahyɛ nkorɔfo adwen do, na honam nyina baprɔw wɔ m’enyim.
24 Hwɛ, aawerdzi reba hɔn a wɔwɔ asaase do no do ntsɛm, ebufuhyew da, ɔhyew da, amamfoyɛ da, bosũ, mmɔnka na kwadwomtwa da; na ɔbɛyɛ dɛ ekyinehyia-mframa, na ɔbɛkata asaase nyinara do, Ewuradze na ɔse.
25 Na me fi do na aɔbɛhyɛ ase efi, na me fi mu na obefi akɔ, Ewuradze na ɔse;
26 Ɔbɛhyɛ ase efi hɔn a wɔwɔ hom mu, Ewuradze na ɔse, hɔn a awɔkã dɛ wonyim me dzin na bwonnyim me, na wɔkã cebususɛm dze tsia me wɔ me fi mu, Ewuradze na ɔse.
27 Dɛm ntsi, hom nhwɛ amma hom aammfa m’asɔr no ho nsɛm annhaw homho wɔ bea yi do, Ewuradze na ɔse.
28 Mbom hom antsew hom akoma ho wɔ m’enyim; na afei hom bnkɔ wiadze nyinara mu, nkɛkã m’asɛmpa no nkyerɛ abɔdze biara a ne nsa nnkãe no;
29 Na nyia aɔgye dzi, na wonuma no no, benya nkwa, na nyia ɔnngye nndzi, na bwoennuma no no cwobobu no fɔ.
30 Na hom, aDuebien no, na hɔn, bPresident a Odzi Kan na n’Apamfo no a woeyi hɔn akã hom ho dɛ wɔnyɛ hom apamfo na banodzifo no, na wɔdze dɛm asɔfodzi yi mu tum no ama, wɔ nda a odzi ekyir yi na mber a odzi ekyir yi a ɔyɛ cmberano ne mãhyɛ no,
31 Dɛm tum no a hom kura yi no, nye hɔn so a woekura bi no, wɔ ber ano biara mu no, ofi abɔdze ahyɛse no;
32 Na nokwar, mese hom dɛ, ne aberano no mu nsaafee a hom enya yi bfi egyanom hɔ, na ewiei koraa no, wɔdze asoma efi sor abrɛ hom.
33 Nokwar, mese hom dɛ, hwɛ, mbrɛ hom ɔfrɛ yi dua sõ a. Hom antsew hom akoma mu nye hom ntar ho, amma bwoeemmbisa ebusuasantsen yi hɔn bɔgyaa emmfi hom nsamu.
34 Hom ndzi nokwar nkɛpem dɛ mebɛba, osiandɛ amereba ntsɛntsɛm; na m’akatua wɔ me nkyɛn dɛ medze rubotua nyimpa biara kaw dɛ mbrɛ bn’edwuma tse. Meyɛ Alpha na Omega. Amen.