Ɔfã 80
Nyikyerɛ a wɔnam Joseph Smith Nkɔnhyɛnyi no do dze maa Stephen Burnett, wɔ Hiram, Ohio, Ebɔw 7, 1832.
1–5, Wɔfrɛ Stephen Burnett na Eden Smith dɛ wɔnkɛkã asɛmpa wɔ beebiara a wɔpɛ.
1 Nokwar, dɛm na Ewuradze, mekã kyerɛ m’akowaa Stephen Burnett: Kɔ, kɔ wiadze mu na akɛkã asɛmpa no kyerɛ abɔdze biara a ɔbɛtse wo ndze.
2 Na susuampaara dɛ erohwehwɛ adamfo ma ɔakã woho no, medze m’akowaa Eden Smith bɛma wo.
3 Dɛm ntsi, kɔ na kɛkã m’asɛmpa no, sɛ ebɔkɔ etsifi anaa anaafo, anaa boka, anaa anee a ɔmmfa ho, osiandɛ wo nkɔree no nnkɛyɛ gyan.
4 Dɛm ntsi, gye ndzɛmba a atse, na agye edzi nokwar mu, na ainyim dɛ ɔyɛ nokwar no no ho dase kyerɛ.
5 Hwɛ, iyi nye nyia aɔafrɛ wo no ne pɛ, wo Pomfo, Jesus Christ no mpo. Amen.