Tshenolo e e neetsweng Moperofeti Joseph Smith, kwa Nauvoo, Illinois, Hirikgong 19, 1841. Ka ntlha ya go oketsega ga dipogiso le ditsamaiso tse di seng ka fa molaong kgatlhanong le bone ke badirela puso, Baitshepi ba ne ba pateletswa go tlogela Missouri. Taolo ya go banyeletsa e e neng e ntshitswe ke Lilburn W. Boggs, moeteledipele wa Missouri, ya letsatsi la Phalane 27, 1838, e ne e ba tlogetse ba sena boitlhophelo. Ka 1841, fa tshenolo e e ne e neelwa, toropo ya Nauvoo, e e akaretsang setsha sa motse wa pele wa Commerce, Illinois, e ne e agilwe ke Baitshepi, mme gone fa diofisi dikgolo tsa Kereke di ne di setse di tlhomilwe.