Tuōra’a Hosana

I teienei, e au mau taea’e ’e e au mau tuahine here, ’a fa’ahanahana ai tātou i te ’Ōrama Mātāmua a Iosepha Semita nō te Metua ’e te Tamaiti, ’ua feruri mātou ē, e mea tano roa ’ia ’oa’oa ’āmui tātou nā roto i te ’āmuira’a mai i roto i te Tuōra’a Hosana.

’Ua hōro’ahia teie tuōra’a mo’a nō te taime mātāmua, i roto i teie tau tu’ura’a, i roto i te ha’amo’ara’a o te hiero nō Kirtland, i te 27 nō Māti 1836. Tē hōro’ahia nei te reira i teienei i roto i te ha’amo’ara’a o te hiero tāta’itahi. E fa’ahanahanara’a mo’a teie i te Metua ’e i tāna tamaiti, ’ei tāpa’o nō te huru o te naho’a ta’ata i te tomora’a te Fa’aora i roto ia Ierusalema. Tē ha’apāpū ato’a nei te reira i te mea tā te tamaiti ’āpī ’o Iosepha i ora i taua mahana ra i roto i te uru rā’au mo’a—’oia ho’i, te Metua ’e te Tamaiti, e nā ta’ata hanahana rāua ’o tā tātou e ha’amori nei ’e e ’ārue nei.

E fa’a’ite atu vau i teienei nāhea ’ia hōro’a i te Tuōra’a Hosana. ’A rave ai au i te reira, tē ani nei au i tō’u mau hoa nō te ha’apararera’a parau ’ia fa’atura māite i teie ’ohipa mo’a.

Te mau ta’ata ato’a e ’āmui mai i roto, e rave rātou i te hō’ē horoi ’uo’uo mā, ma te tāpe’a i te hō’ē poro, ’e ’a tāhirihiri ai ma te parau ’āmui ē, « Hosana, Hosana, Hosana i te Atua ’e i te ’Ārenio » fa’ahitihia e toru taime, ’āpe’ehia mai nā roto i te « ’āmene, ’āmene, ’e ’āmene ». Mai te mea ē, ’aita tō ’outou e horoi ’uo’uo, e nehenehe ’outou e tāhirihiri noa i tō ’outou rima.

E te mau taea’e ’e te mau tuahine, i teienei, tē ani nei au ia ’outou ’ia ti’a mai i ni’a ’e ’ia ’āmui mai i roto i te « Tuōra’a Hosana », ’e i muri mai i te reira, e hīmenehia mai ai te « Hosanna Anthem », ’e « ’Auē te Vārua o te Atua ».¹

’Ia fa’aara mai te arata’i hīmene, e hīmene ’āmui tātou « ’Auē te Vārua o te Atua ».