Alla Jafkom u Jħobbkom

Il-ħajja hija mimlija sfidi. Ħafna nies iħossuhom skuraġġuti, waħedhom, imwarrbin, jew eżawsti. Meta ninsabu f’xi sitwazzjoni diffiċli, nistgħu nħossuna li tlifna t-triq jew li waqajna lura. Li tkun taf li aħna lkoll ulied Alla u membri tal-familja eterna tiegħu se trodd mill-ġdid sens ta’ appartenenza u għan.²

Il-President Ballard qasam dan li ġej magħna: “Hemm identità importanti li lkoll nixxerjaw issa u għal dejjem. … Din hi li intom intom, u dejjem kontu, ulied Missier fis-Smewwiet. … Min jifhem din il-verità—jifhimha tassew u jemminha—ħa jesperjenza bidla kbira f’ħajtu.”³

La tifhmux ħażin u lanqas tisvalutaw kemm intom importanti għal Missierkom fis-Smewwiet. Intom m’intomx prodott sekondarju aċċidentali tan-natura, iltim kosmiku, jew riżultat ta’ materja b’żieda ta’ żmien b’żieda ta’ xorti. Fejn hemm disinn hemm ukoll disinjatur.

Ħajjitkom għandha tifsira u għan. Ir-restawrazzjoni kontinwa tal-evanġelju ta’ Ġesù Kristu tagħtina dawl u għarfien dwar l-identità divina tagħna. Intom ulied għeżież ta’ Missierna fis-Smewwiet. Intom is-suġġett ta’ dawk il-parabboli kollha u dak it-tagħlim kollu. Alla tant iħobbkom li bagħat lil Ibnu biex ifejjaqkom, isalvakom, u jifdikom.⁴

Ġesù Kristu għaraf in-natura divina u l-valur etern ta’ kull persuna.⁵ Huwa spjega li ż-żewġ kmandamenti kbar biex inħobbu lil Alla u nħobbu lil għajrna huma l-pedament tal-kmandamenti kollha ta’ Alla.⁶ Waħda mir-responsabbiltajiet divina tagħna hija li nieħdu ħsieb lil dawk li qegħdin fil-bżonn.⁷ Dan huwa għaliex bħala dixxipli ta’ Ġesù Kristu, aħna “lesti li nġorru t-tagħbija ta’ xulxin, … nibku ma’ dawk li jibku … , u nfarrġu lil dawk li għandhom bżonn il-faraġ.”⁸

Ir-reliġjon ma tikkonsistix biss fir-relazzjoni tagħna ma’ Alla; hija wkoll dwar ir-relazzjoni tagħna ma’ xulxin. Il-Presbiteru Jeffrey R. Holland spjega li l-kelma Ingliża religion ġejja mill-kelma Latina religare, li tfisser “torbot” jew, iktar litteralment, “torbot mill-ġdid.” Għalhekk, “il-vera reliġjon hija r-rabta li torbotna ma’ Alla u ma’ xulxin.”⁹

Huwa ta’ importanza kbira kif nitrattaw ma’ xulxin. Il-President Nelson jgħallem, “Il-messaġġ tas-Salvatur kien wieħed ċar: id-dixxipli vera tiegħu jibnu, jelevaw, iħeġġu, jipperswadu, u jispiraw.”¹⁰ Dan isir iktar importanti meta sħabna l-vjaġġaturi jħossuhom mitlufin, waħedhom, minsija, jew imwarrba.

M’għandniex bżonn infittxu ’l bogħod biex insibu nies li qed ibatu. Nistgħu nibdew billi ngħinu lil xi ħadd mill-familja tagħna, mill-kongregazzjoni tagħna, jew mill-komunità lokali tagħna. Nistgħu wkoll infittxu li ntaffu t-tbatija tas-700 miljun ruħ li qed jgħixu f’faqar estrem¹¹ jew il-100 miljun ruħ li huma mġegħlin jitilqu minn pajjiżhom minħabba persekuzzjoni, konflitt, u vjolenza.¹² Ġesù Kristu huwa l-eżempju perfett ta’ kif għandna nieħdu ħsieb dawk li huma fil-bżonn—dawk bil-ġuħ, il-barranin, il-morda, il-foqra, u l-ħabsin. Xogħlu huwa xogħolna.

Il-Presbiteru Gong jgħallem li “il-vjaġġ tagħna lejn Alla ħafna drabi nimxuh flimkien.”¹³ B’dan l-argument, l-oqsma tagħna għandhom ikunu refuġju għall-ulied kollha ta’ Alla. Qegħdin nattendu l-knisja b’mod passiv jew b’mod attiv noħolqu komunitajiet li l-għan tagħhom huwa li jqimu, jfakkru lil Kristu, u jimministraw lil xulxin?¹⁴ Jeħtieġ nagħtu kas tal-parir tal-President Nelson biex niġġudikaw inqas, inħobbu iżjed, u nxerrdu l-imħabba safja ta’ Ġesù Kristu permezz ta’ kliemna u l-għemejjel tagħna.¹⁵

Espjazzjoni ta’ Ġesù Kristu hija l-espressjoni suprema tal-imħabba ta’ Missierna fis-Smewwiet għal uliedu.¹⁶ Il-kelma espjazzjoni tiddeskrivi l-għaqda sħiħa mill-ġdid ta’ dawk li kienu mbegħdin jew mifrudin.

Il-missjoni tas-Salvatur tagħna kienet kemm li jipprovdi rotta ta’ ritorn lejn il-Missier fis-Smewwiet u serħan fil-vjaġġ. Is-Salvatur jaf mill-esperjenza tiegħu stess kif għandu jissapportjana permezz tal-isfidi tal-ħajja.¹⁷ M’għandkomx fejn titfixklu, Kristu huwa s-salvatur u t-tabib ta’ ruħna.

Hekk kif neżerċitaw il-fidi, huwa jgħinna nimxu dejjem ’il quddiem minn fost it-tbatijet. Huwa jkompli jagħmlilna l-istedina tiegħu kollha mħabba u ħniena:

“Ejjew għandi intom ilkoll li tinsabu mħabbtin u mtaqqlin, u jiena nserraħkom.

“Ħudu fuqkom il-madmad tiegħi u tgħallmu minni; … u intom issibu l-mistrieħ għal ruħkom.”¹⁸

Il-metafora tal-madmad hija waħda qawwija. Kif spjega il-Presbiteru Howard W. Hunter: “Il-madmad kienet biċċa għodda li ppermettiet is-saħħa tat-tieni bhima biex tingħaqad u tintrabat mal-isforz ta’ bhima waħda, u hekk taqsam u tnaqqas it-tagħbija tqila tal-biċċa tax-xogħol. Toqol li kien tqil wisq jew forsi impossibbli boex jinġarr minn waħda setgħu jġorruh tnejn flimkien b’mod komdu meta marbutin flimkien taħt madmad wieħed.”¹⁹

Il-President Nelson għallem: “Inti tiġi għand Kristu biex tintrabat taħt madmad miegħu u l-qawwa tiegħu, sabiex ma tkunx qed iġġorr it-tagħbija tal-ħajja waħdek. Qed iġorr t-tagħbija tal-ħajja taħt madmad mas-Salvatur u l-Feddej tad-dinja.”²⁰

Kif norbtu lilna nfusna taħt madmad mas-Salvatur? Il-Presbiteru David A. Bednar jispjega:

“Meta aħna nagħmlu u nżommu ċerti patti sagri aħna nispiċċaw biex inġorru l-madmad flimkien mal-Mulej Ġesù Kristu. F’kelma waħda, is-Salvatur qed jistedinna sabiex nafdaw fih u nġorru t-tagħbija flimkien miegħu. …

“Aħna m’aħniex u qatt m’għandna nkunu weħidna.”²¹

Lil dawk li jħossuhom mgħobbijin, mitlufin, konfużi, m’għandkomx tibqgħu waħdekom.²² Permezz tal-Espjazzjoni ta’ Kristu u l-ordinanzi tiegħu intom tistgħu tkunu marbutin mal-madmad miegħu. Hu, b’imħabba kbira, se jipprovdilkom il-qawwa u l-fejqan li intom għandkom bżonn biex tiffaċċjaw il-vjaġġ quddiemkom. Huwa għadu r-refuġju tal-matlempati tagħna.”²³

Biex inkunu għidna kollox, Jasper huwa tifel jilħaqlu, ħelu ma’ kulħadd, intelliġenti, u mqareb. Imma l-qofol ta’ din l-istorja huwa li hu tiegħi. Huwa ibni, u jien inħobbu iżjed milli qatt jista’ jifhem . Jekk missier imperfett u uman iħossu hekk għal ibnu, tistgħu timmaġinaw kif Missier fis-Smewwiet, perfett, glorifikat, u kollu mħabba jħossu għalikom?

Lill-ħbieb tiegħi tal-ġenerazzjoni li għadha tielgħa, Gen Z u Gen Alpha: nitlobkom iddaħluha f’raskom li l-fidi titlob il-ħidma.²⁴ Aħna ngħixu fi żmien meta għal ħafna jeżisti biss “nara dak li nemmen.” Il-fidi taf tkun sfidanti u titlob ċerti għażliet. Iżda t-talb huwa mwieġeb.²⁵ U t-tweġibiet jistgħu jinħassu.²⁶ Uħud mill-iktar affarjiet reali fil-ħajja ma tistax tarahom; tista’ biss tħosshom, tagħrafhom, tesperjenzahom. Dawn huma reali wkoll.

Ġesù Kristu iridkom tkunu tafu lil Missierkom fis-Smewwiet u li jkollkom relazzjoni miegħu.²⁷ Huwa għallem, “Liema raġel fostkom, li għandu iben, u dan ikun wieqaf barra, u li jgħid, Missier, iftaħli darek sabiex nidħol u niekol miegħek, mhux se jgħid, Għaddi, ibni; għax dak li hu tiegħu huwa tiegħek, u dak tiegħek hu tiegħi?”²⁸ Tistgħu taħsbu fi xbieha ta’ Alla l-Missier Etern iktar personali u kollu mħabba?

Intom uliedu. Jekk qed tossukom mitlufin, jekk għandkom mistoqsijiet jew nuqqas ta’ għerf, jekk qed titħabtu maċ-ċirkostanzi tagħkom jew tissaraw kontra dissonanzi spiritwali, duru lejh. Itolbuh għall-faraġ, l-imħabba, it-tweġibiet, u direzzjoni. Ikun x’ikun il-bżonn tagħkom u tkunu fejn tkunu, iftħu qalbkom għal Missierkom fis-Smewwiet. Xi wħud minnkom forsi jixtiequ jimxu wara l-istedina tal-President Nelson: “Itolbu biex jurik jekk hu jinsabx verament hemm—jekk Hu lilek jafekx. Itolbu kif huwa jħossu dwarek. Imbagħad isma’ x’għandu xi jgħidlek.”²⁹

Għeżież Ħuti:

• Kunu afu lil Missierkom fis-Smewwiet. Huwa perfett u mimli mħabba.

• Kunu afu min hu Ġesù Kristu.³⁰ Huwa s-Salvatur u l-Feddej tagħna. Orbtu lilkom infuskom u lil dawk li tħobbu miegħu.

• U kunu afu min intom. Kunu afu l-identità divina vera tagħkom. Il-pjan ta’ Alla għall-kuntentizza hija kollha kemm hi dwarkom. Intom l-ulied prezzjużi tiegħu u ta’ valur kbir. Huwa jafkom u jħobbkom.

Dwar dawn il-veritajiet, sempliċi iżda fundamentali, jiena nixhed f’isem Ġesu Kristu, ammen.