Sinjur, Nixtiequ Naraw lil Ġesù

Darba waħda fir-rebbiegħa tal-1945, wieħed żagħżugħ stenbaħ ġewwa sptar militari. Fortunatament kien baqa’ ħaj—kien intlaqat minn sparatura wara widintu, iżda t-tobba operawh, u issa seta’ jimxi u jitkellem b’mod normali.

Traġikament, il-bullit għamlitlu ħsara fil-parti ta’ moħħu li tirrikonoxxi l-uċuħ. Issa beda jħares lejn martu bl-ebda ħjiel li qed jirrikonoxxi min hi; lanqas seta’ jirrikonoxxi lill-istess ommu. Anke l-wiċċ li beda jara fil-mera ma kien ifisser xejn għalih—ma setax jirrikonoxxi jekk kienx raġel jew mara.¹

Huwa ma kienx kapaċi jirrikonoxxi wiċċ—kundizzjoni li taffetwa miljuni ta’ nies.²

Nies li b’mod sever mhux kapaċi jirrikonoxxu wiċċ jippruvaw jidentifikaw lil ħaddieħor billi jimmemorizzaw ċerti regoli—regola biex jirrikonoxxu lil binthom permezz ta’ kif inhuma n-nemex tagħha jew lil xi ħabiba permezz tal-mod kif tkaxkar saqajha.

Din storja oħra, minn esperjenza personali: Meta kont għadni daqsxejn ta’ tfajjel, spiss kont inħares lejn ommi bħala l-persuna li tfassal ir-regoli. Hija kienet tiddeċiedi meta stajt immur nilgħab u meta kelli mmur norqod jew, agħar minn hekk, meta kelli mmur naqta’ l-ħaxix ħażin fil-ġnien.

Ma kienx hemm dubju li kienet tħobbni. Iżda ħafna drabi u b’dispjaċir għalija, kont inħares lejha biss bħala “Dik li Lilha Għandi Nobdi.”

Kien biss snin wara li bdejt inħares lejha bħala persuna reali. Jiddispjeċini ngħid li qatt ma nnotajt is-sagrifiċċju li kienet tagħmel jew qatt ma staqsejt għalfejn għal numru ta’ snin hija kienet dejjem tilbes l-istess żewġ dbielet (filwaqt li jien kien ikolli ħwejjeġ ġodda tal-iskola) jew għalfejn, fi tmiem il-jum, hija kienet tkun daqshekk għajjiena u tkun mejta biex tmur torqod kmieni.

Forsi nnotajtu li dawn iż-żewġ stejjer huma fil-fatt storja waħda—għal bosta snin, jiena, fil-fatt, ma kontx kapaċi nirrikonoxxi wiċċ. Ma kont kapaċi nara lil ommi bħala persuna reali. Kont qed nara r-regoli tagħha iżda fihom ma stajtx nara mħabbitha.

Qed ngħidilkom dawn iż-żewġ stejjer biex nagħmel punt wieħed: Nissuspettali intom tafu lil xi ħadd (jista’ jkun li hu intom stess) li spiritwalment mhux kapaċi jirrikonoxxi wiċċ.

Jaf issibu xi ftit tad-diffikultà biex tħarsu lejn Alla bħala Missier kollu mħabba. Tafu tħarsu lejn is-smewwiet u taraw, mhux wiċċ ta’ mħabba u ħniena, iżda sett ta’ regoli li intom jeħtieġ li tobdu. Jista’ jkun li intom temmnu li Alla jinsab isaltan fis-Smewwiet tiegħu, li Hu jitkellem permezz tal-profeti tiegħu, u li jħobb lil oħtkom iżda minn taħt tiddubitaw jekk lilkom iħobbkomx.³ Jista’ jkun li intom ħassejru l-bastun tal-ħadd ma’ jdejkom iżda għadkom ma ħassejtux l-imħabba tas-Salvatur li jwassalkom għaliha.⁴

Nissuspetta li intom tafu b’nies li huma hekk, għaliex għal żmien twil, jiena kont hekk— spiritwalment ma kontx kapaċi nirrikonoxxi wiċċ.

Ħsibt li ħajti kienet biss tiddependi milli nimxi skont ir-regoli u li ngħix skont standards astratti. Kont naf li Alla lilek iħobbok b’mod perfett iżda jien stess ma stajtx inħoss din l-imħabba. Jiddispjeċini ngħid li aktar kien moħħni li nilħaq is-smewwiet milli li nkun ma’ Missieri fis-Smewwiet.

Jekk intom, bħali, tistgħu xi kultant iċċaqalqu biss xufftejkom, iżda ma tkantawx l-għanja tal-imħabba feddejja,”⁵ x’nistgħu nagħmlu?

It-tweġiba, kif ifakkarna l-President Russell M. Nelson, hija dejjem Ġesù.⁶ U din hija aħbar tajba ħafna.

Fi Ġwanni hemm vers qasir li verament jogħġobni. Jitkellem dwar grupp ta’ stranġieri li javviċinaw lid-dixxipli tiegħu u jitolbuhom xi ħaġa importanti. “Sinjur,” huma qalu, “nixtiequ naraw lil Ġesù.”⁷

Dak hu li lkoll irridu—irridu li nagħrfu lil Ġesù għal dak li Hu u nħossu mħabbtu. Din għandha tkun ir-raġuni ta’ kważi kulma nagħmlu fil-knisja—u ċertament ta’ kull laqgħa tas-sagrament. Jekk m’intomx ċerti x’tip ta’ lezzjoni għandkom tgħallmu, x’tip ta’ laqgħa għandkom tippjanaw, u jekk għandkomx taqtgħu qalbkom mid-djakni u taqbdu tilagħbu logħba ballun, tafu ssibu f’dan il-vers il-gwida tagħkom: dak li se nagħmel sejjer jgħin lin-nies jirrikonoxxu u jħobbu lil Ġesù Kristu? Jekk le, forsi ppruvaw xi ħaġa oħra.

Meta jiena ntbaħt li spiritwalment jien ma kontx kapaċi nirrikonoxxi wiċċ, li kont qed nara r-regoli iżda mhux wiċċ il-ħniena tal-Missier, kont naf li dan ma kienx tort tal-Knisja. Ma kienx tort ta’ Alla, u ma kienx ifisser li ma kienx hemm tama; din xi ħaġa oħra li lkoll jeħtieġ li nitgħallmu. Anke l-ewwel xhieda tal-Qawmien kemm-il darba ġew wiċċ imb wiċċ mal-Mulej mqajjem mill-imwiet u ma għarfuhx; mill-Qabar tal-Ġnien sax-xatt tal-Galilija, l-ewwel dixxipli tiegħu “raw lil Ġesù wieqaf, iżda ma ntebħux li kien Ġesù.”⁸ Kien jeħtieġ li huma jitgħallmu jagħrfuh, u l-istess aħna.⁹

Meta jiena ntbaħt li spiritwalment jien ma kontx kapaċi nirrikonoxxi wiċċ, jiena bdejt nimxi wara l-parir ta’ Mormon li nitlob “bil-qawwa kollha ta’ qalbi” biex nimtela bl-imħabba li Huwa wiegħed lid-dixxipli tiegħu—l-imħabba tiegħi lejh u l-imħabba tiegħu lejja—u li “nirrikonoxxih għal dak li hu … u jkollna din it-tama.”¹⁰ Tlabt għal snin li nkun kapaċi nimxi wara l-ewwel kmandament kbir li nħobb lil Alla u nħoss fija dik “l-ewwel verità kbira … li Alla lilna jħobbna bil-qalb, bis-setgħa u l-qawwa tiegħu kollha.”¹¹

Jiena wkoll qrajt fuq li qrajt l-erba’ Vanġeli—din id-darba mhux biex infittex ir-regoli iżda biex nirrikonoxxi Huwa min hu u xi jħobb. U, maż-żmien, ħallejt lili nnifsi ninġarr mix-xmara ta’ mħabba li s-sors tagħha kien Hu.

Ġesù ħabbar li Huwa kien ġie biex “ifejjaq lil ta’ qalbhom maqsuma, iħabbar il-ħelsien lill-imjassrin, u jagħti d-dawl mill-ġdid lill-għomja.”¹²

Dik ma kenitx sempliċiment lista ta’ x’għandek tagħmel jew PR tajjeb; din hija turija ta’ mħabbtu.

Iftaħ liema paġna trid fil-Vanġeli; kważi f’kull paġna narawh jieħu ħsieb dawk li qed ibati—soċjalment, spiritwalment, u fiżikament. Huwa jmess nies li huma meqjusa bħala mniġġsa u maħmuġa¹³ u jitma’ lil min hu bil-ġuħ.¹⁴

Liema hi l-istorja favorita tiegħek dwar Ġesù? Nissuspetta li turi lill-Iben ta’ Alla jmeddi idejh biex iħaddan miegħu lil xi ħadd emarġinat—l-imġiddem,¹⁵ is-Samaritan mibgħud min-nies,¹⁶ il-midneb akkużat u skandaluż,¹⁷ jew l-għadu nazzjonali.¹⁸ Dik it-tip ta’ grazzja hi xi ħaġa tal-għaġeb.

Ippruvaw agħmlu lista ta’ kull darba li Huwa jfaħħar jew ifejjaq jew jiekol ma’ xi stranġier, u ibqgħu ċerti li tispiċċalkom il-linka qabel taslu f’Luqa.

Hekk kif rajt dan, ħassejt qalbi taqbeż meta għaraf din l-imħabba, u bdejt iħoss li hemm ċans kbir li lili jħobbni. Kif għallem il-President Nelson, “Aktar ma titgħallmu dwar is-Salvatur, aktar issibuha faċli li tafdaw fil-ħniena tiegħu, fl-imħabba infinita tiegħu.”¹⁹ U aktar tkunu kapaċi tafdaw u tħobbu lil Missierkom fis-Smewwiet.

Il-Presbiteru Jeffrey R. Holland għallimna li Ġesù ġie biex “jurina min hu Alla l-Missier Etern tagħna u Huwa x’inhu, u kemm huma verament devot lejn uliedu f’kull żmien u f’kull ġens.”²⁰

Pawlu jgħid li Alla huwa “l-Missier ta’ kull ħniena, u l-Alla ta’ kull faraġ.”²¹

Jekk tħarsu lejh b’mod differenti minn hekk, jekk jogħġobkom komplu ppruvaw.

Il-profeti jistednuna biex infittxu li nara wiċċu.²² Din jeħodha bħala tifkira li aħna nqimu lil Missierna, mhux xi formula, u li aħna mhux se nkunu lesti qabel ma naraw lil Ġesù bħala l-wiċċ tal-imħabba ta’ Missierna²³ u li nimxu warajh, mhux sempliċiment wara r-regoli tiegħu.²⁴

Meta l-profeti u l-appostli jitkellmu dwar patti, huma mhumiex bħal xi kowċ jgħajjat minn fuq xi bank, biex jgħidilna “komplu ppruvaw!” Huma jriduna naraw li l-patti tagħna huma fundamentalment dwar ir-relazzjonijiet²⁵ u jistgħu jkunu kura għal meta ma nkunux kapaċi nirrikonoxxu wiċċ.²⁶ Huma mhumiex regoli biex inkunu nistgħu niksbu mħabbtu; Hu diġà jħobbna b’mod perfett. Id-diffikultà tagħna hi li nifhmu, inħossu, u nfasslu ħajjitna fuq dik l-imħabba.²⁷

Aħna nippruvaw nħarsu permezz tal-patti tagħna, bħallikieku minn wara xi tieqa, lejn il-wiċċ tal-Missier kollu ħniena.

Il-patti huma l-mod li bih Alla jħaddana miegħu.

Finalment, aħna nistgħu nitgħallmu narawh billi nservuh. “Għax kif jista’ bniedem ikun jaf lill-imgħallem li lilu qatt ma serva?”²⁸

Ftit tas-snin ilu, jiena ġejt mogħti sejħa li ma kontx inħossni wisq kapaċi għaliha. Kont qomt kmieni, verament nervuż—iżda f’moħħi bdiet tidwi frażi li qatt ma kont smajt qabel: li hi li jiena nservi f’din il-Knisja hi li jiena nieqaf fix-xmara tal-imħabba ta’ Alla li Hu għandu lejn uliedu. Din il-Knisja hija ħidma kkordinata ta’ nies bil-fisien u l-pali, jippruvaw jgħinu jiżblukkaw il-kanal biex ix-xmara tal-imħabba ta’ Alla tilħaq lill-uliedu li jinsabu fl-aħħar ringiela.

Intom min intom, hu x’inhu l-passat tagħkom, hawn post għalikom f’din il-Knisja.²⁹

Aqbdu f’idejkom fies jew pala u ngħaqdu mat-tìm tagħna. Għinu ġorru mħabbtu lejn uliedu u xi ftit minnha tispiċċa tinżel fuqkom.³⁰

Ejjew infittxu li naraw il-wiċċ kollu mħabba tiegħu, it-tgħannieqa tal-patt tiegħu, u mbagħad ningħaqdu id f’id ma’ wliedu, u flimkien inkantaw “Feddej ta’ Iżrael”:

Jalla aħna nfittxu li naraw il-wiċċ kollu mħabba tiegħu u mbagħad inkunu għamara tal-ħniena tiegħu għal uliedu.³² F’isem Ġesù Kristu, ammen.