Ua matua ou fiafia lava i le mauaina o le Liahona i masina taitasi. O loo aumaia ai tusiga taua i auala e ola ai o tatou olaga. Faafetai lava i lomiga o le konafesi, lea e aumaia ai savali mai le perofeta ma isi taitai o le Ekalesia, ua ou iloaina ai le mea o loo finagalo le Tama Faalelagi tatou te faia ma le auala e tatau ona faia ai. O loo i ai i lomiga ia savali sili ona mananaia e faaaoga i a tatou afiafi faaleaiga. O mea muamua lava ou te sueina i le Liahona o tusiga mo le autalavou, ma o taimi uma lava ou te faitauina ai, ou te lagona ai le faateleina o lou saogalemu ma ou latalata atili atu ai i le Tama Faalelagi.

Ou te faaaogaina le Liahona e fai ma taiala i lo’u olaga. E mafai ai ona tatou matauina olaga o tagata i aso nei ma vaaia ai i tatou lava i ia lava tulaga. Ou te faaaogaina foi o latou aafiaga i au lauga ma afiafi faaleaiga. O faataitaiga o loo i le Liahona ua faapea foi ona fesoasoani ai i se uo e malamalama o i tatou o Kerisiano, ma a o tatou feagai ai ma faafitauli e pei foi o isi tagata uma, ua aumaia ia i tatou e le talalelei le malosi e faatoilalo ai.