He ʻIkai Nai Lava Ke Tau Kaungāmeʻa?
“Kae feangaleleiʻaki ʻa kimoutolu kiate kimoutolu, ʻo manavaʻofa, ʻo fefakamolemoleʻaki ʻa kimoutolu” (ʻEfesō 4:32).
-
Naʻe manavasiʻi ʻa Makeleta he naʻe ʻikai te ne ʻilo ha taha ʻi hono ʻapiako foʻoú.
-
Naʻe fakamataliliʻi ia ʻe ha niʻihi ʻo e fānau fefiné. Naʻe aʻu pē ki hano fusi ʻe ha taʻahine ʻe taha e loufau he ʻulu ʻo Makeletá. Naʻe ʻikai ke fakakaukau ʻa Makeleta ʻe fiefia ʻi hono ʻapiako foʻoú.
-
ʻI he tuku ʻa e akó naʻe telefoni ʻa Makeleta ʻo tala ki heʻene kui fefiné ʻa e angakovi ange ʻa e tamaiki fefiné.
-
ʻE Makeleta, ʻoku fie maʻu ke ke lotu ʻo fehuʻi ki he Tamai Hēvaní ʻa e meʻa ke faí. Te Ne tokoni atu kiate koe.
-
Naʻe lotu ʻa Makeleta he pō ko iá ki he Tamai Hēvaní. Naʻá ne talaange ki Ai ʻene palopalemá. Naʻá ne maʻu leva ha fakakaukau.
-
Naʻe fakamataliliʻi ia ʻe he tamaiki fefiné he ʻaho hono hokó.
He ʻikai nai lava ke tau kaungāmeʻa?
-
Pea ʻi he ʻaho hono hokó naʻe fusi ʻe he tamaiki fefiné hono loufaú.
He ʻikai nai lava ke tau kaungāmeʻa?
-
Hili mei ai ha uike ʻe taha naʻe fiefia ʻa Makeleta ke talaange ki heʻene kui fefiné ʻa e meʻa naʻe hokó.
Naʻe foaki mai ʻe he Tamai Hēvaní ʻa e fakakaukau ko ia ke u angalelei ki he tamaiki fefiné. ʻOku ʻikai ke nau toe fakamataliliʻi au, pea ʻoku nau hoko he taimí ni ko hoku ngaahi kaungāmeʻa.
Ngaahi tā fakatātā ʻa Maryn Roos