Hungali

Neongo naʻe tūʻuta hake ʻa e fuofua faifekau ʻa e Siasí ki Hungali ʻi he 1885, ka naʻe ʻikai fuʻu ola lelei e ngāué pea ʻosi pē e māhina ʻe tolu mei ai naʻá ne foki. Naʻe papitaiso ʻa Misa Makou, ko e ʻuluaki tokotaha Hungali ke kau ki he Siasí, ʻi Konisitenitinoupolo ʻi he 1887. Naʻá ne ngāue fakafaifekau ʻi ʻIulope kimui ai, ka naʻe kapusi ia mei he fonuá kimui ange ai ko e tupu mei heʻene malangá.

Naʻe fakangatangata pē ʻa e ngāue fakafaifekau ʻi Hungalí ʻi ha ngaahi taʻu lahi koeʻuhí ko e ngāngāʻehu fakapolitikale aí. Lolotonga e ngaahi taʻu ʻo e 1980, naʻe fakatupu ʻe he ongoongo kau ki he Siasí ha fakatotolo ʻa e kakai Hungali tokolahi kau ki ai, pea ʻi he konga kimui ʻo e 1986, naʻe loto e kau taki ʻo e puleʻanga Hungalí ke fakangofua e kau faifekaú ke nau hū ange ki he fonuá.

Talu mei ai, mo e ola lelei ʻaupito ʻa e ngāue fakafaifekaú. Naʻe pulusi e Tohi ʻa Molomoná ʻi he lea faka-Hungalí ʻi he 1991, pea fokotuʻu e fuofua siteikí ʻi he 2006.