O le a se mea e mafai ona ou aoao mai i tusitusiga paia?

O le faamoemoega tutotonu o tusitusiga paia uma o le faatumuina lea o o tatou agaga i le faatuatua i le Atua le Tama ma Lona Alo, o Iesu Keriso.

O tusitusiga paia e faateleina o tatou manatu e ala i le fesoasoani ia i tatou ia manatua pea le Alii ma la tatou sootaga ma Ia ma le Tama. La te faamanatu mai ia i tatou mea na tatou iloa i lo tatou muai olaga.

O tala faale-tusitusiga paia i le faatuatua o isi e faamalolosia ai o tatou lava faatuatua.

O upu a perofeta, lea ua ta’ua e le Alii o tusitusiga paia, o loo tafe mai ia i tatou toetoe lava i taimi uma e ala mai i le televise, leitio, Initoneti, satelite, CD, DVD, ma upu tusitusia. E moni, e faatasi ai ma lenei faamanuiaga, ua ta’u mai e le Alii ia i tatou le sili atu ona manaomia o lo tatou faaaogaina pea lava pea o tusitusiga paia nai lo se isi lava taimi muamua.

Ua aoao mai i tatou e tusitusiga paia i aoaoga faavae ma mataupu taua o amioga lelei. I tusitusiga paia tatou te maua ai faataitaiga manino o faamanuiaga e maua e ala mai i le faamamaluina o mataupu faavae moni.