Lagolagoina e ala i Lona Alofa

Ina ua ou maua le valaauga e galue o se taitai o gaoioiga a tamaiti aoga, sa ou lagona le matuai lofituina. Sa ou matamuli ma iloa o le a faigata ia te au le fuafuaina o gaoioiga. Na faatumulia a’u i lagona o le le atoatoa, popole, ma le faavaivai.

Sa ou liliu atu i le Tama Faalelagi ma le popole tele. “E faapefea ona ou faia lenei mea?” sa ou tatalo atu ai. “Ou te laitiiti ma vaivai.”

O le taimi lava lena, na oo mai ai i lo’u loto se musumusuga filemu ma le itiiti: “Alu, lo’u afafine. Ou te alofa ia te oe.”

Na faamalosia a’u e lena tali mai se Tama alofa. O le faamalosia e ala i lena musumusuga, sa ou lagona ai e mafai ona ou faia soo se mea. O le iloaina e Na te silafia a’u, e alofa o Ia ia te a’u, ma e Na te lagolagoina a’u ua na o le pau lena o se mea na ou manaomia e faataunuu ai ma le manuia lo’u valaauga.

Ou te iloa po o le a lava o tatou tauiviga, e alofa le Tama Faalelagi ia i tatou ma faafofoga i a tatou tatalo. A tatou o atu ia te Ia, o le a tatou maua ni taitaiga ma faamalosiauga ao tatou taumafai e faataunuu o tatou valaauga.