Faamalieina e ala i Lo’u Valaauga

I le avea ai ma se tagata nofofua matua, ua ou iloa e mafai ona ou saofaga atu i la’u uarota ma maua le faamalieina pe a ou galue i valaauga eseese o le Ekalesia.

O loo o’u galue nei o se fesoasoani lua i le au peresitene o Alii Talavou. O lo’u i ai i le faalapotopotoga a Alii Talavou ua ou maua ai le avanoa e o faatasi ai ma le au tiakono e ao mai taulaga anapogi, feiloai atu i tagata e le toaaga mai o le uarota, ma auai i konafesi a le autalavou ma gaoioiga a le Mutuale. Ou te fiafia foi matou te o faatasi ma le autalavou i le malumalu e faataunuu sui papatisoga mo e ua maliliu. Ao ou galue ai i lenei valaauga, ua ou galue malosi e fesoasoani atu i alii talavou ina ia tutupu ae ma avea ma ni alii matutua e ala i le faaali atu o lo’u alofa ma le amanaiaina o i latou. Ua fesoasoani nei aafiaga ina ia ou alualu ai i luma faaleagaga ma ua avea ma se faamanuiaga i lo’u olaga.