Korea i Saute

Na amata le uluai galuega faafaifeautalai i Korea i le taimi o le Taua a Korea i le amataga o le vaitau 1950, ae o Kim Ho Jik, o se tasi o uluai tagata Korea na liliu mai, na papatiso i le Iunaite Setete. Sa maua le faailoga faafomai o Kim i le taimi na avea ai o ia ma tagata o le Ekalesia i Penisilevania i le 1951. E toalua lana fanau na i ai i uluai tagata e toafa ia na papatiso i Korea, i le aso 3 Aokuso, 1952. Na avea mulimuli ane ia Brother Kim ma se taitai o le malo o Korea ma na aoga tele lea e fesoasoani ai i le faaulufale atu o faifeautalai i Korea i Saute.

O le 1962 na faavae ai le Misiona a Korea, ma na lolomiina le Tusi a Mamona i le gagana Korea i le 1967. Na faatuina le uluai siteki a Korea i Saute, o le uluai siteki foi lea i Asia autu, i Seoul i le aso 8 o Mati, 1973. O le Malumalu o Seoul Korea, o le uluai malumalu lea i Asia autu, na faapaiaina i le 1985.

O le 2001 na tuuina atu ai e Elder Dallin H. Oaks o le Korama a Aposetolo e Toasefululua se kopi o le “O Le Aiga: O Se Folafolaga i le Lalolagi” i le palemia o Korea i Saute o, Lee Han-Dong.