Bukamaruan Taian Tembora!
Darcie Jensen e maeka i California, USA.
Ngke e bobonga raoi katean te Salt Lake Tembora n 1893, Aomata aika Itiaki ni Boong Aika Kaitira a kukurei. A kabanea 40 te ririki ni katean aia tembora. Ibukina bwa ataei a angamwane ni buoka katean te tembora, Beretitenti Wilford Woodruff e baireia bwa n te bukamaru ni katekeraoi ao iai aia tietion ataei ake a na iria.
N te bong aei ao a mwaiti tembora ni kabuta te aonaba, ao ataei a teimatoa n ibuobuoki ni bukamarua taubobongan tian taian tembora. Taraai bwa a kanga ataei n ira te waki ngkekei ao ngkai.
E raka iaon 12,000 ataei ake a roko nakon te Salt Lake Tembora ibukin te bukamaru. Ataei aikai man te Uoote ae Sugar House a tokara te turein.
Te tiketi aei e karinia ataei man te ririki mai nano nakon 16 bwa a na iri botaki ni katabu ibukin tietion aika a onoti ibukin te Salt Lake Tembora. Abotoro ao membwa n te Moan Beretitentii a taetae nakoia ataei i nanon te tembora.
N tabetai tembora a manga katabuaki riki imwiin karaoan te mwakuri ni katamaroa. Ataein te Moanrinan a anene ngke a uoti taura n te kamataku are e bukamarua manga katabuan te Anchorage Alaska Tembora.
Ni katoa wiiki n te Gilbert Arizona Tembora ngke e kateaki, ataein te Moanrinan man te Gilbert Arizona Highland Titeiki a tia ni katea aika kouru bwa a na ibuobuoki i marenaia n aia uoote.
Ngke e kateaki te San Diego California Tembora ataein te Moanrinan a karaoi bwain taewae aika matamata ibukin te tembora. Mataniwi ni Kabuta a tei i aon te bwaintaewae n tain te bootaki ni katabu n te atibu n te maninganinga.
Ataein te Moanrinan i Manitoba, Canada, a buti i nanon teniua te aoa nakon Regina Saskatchewan Tembora n ringa oona ao ni kabaeia bwa a na rin i nanona n te bong teuana.
Ataein te Moanrinan i Kyiv Ukraine Tembora kaukan te auti e butimwaia iruwa man anenean “I Love to See the Tembora.”
E raka i aon 800 ataein te Moanrinan man te West Africa a anenea “Ngai Natin te Atua” n te katei ni bukamaru i mwain katabuan te Accra Ghana Tembora.
Ni katoai nako tembora iai atibun te maninganinga are e kaota te ririki are e katabuaki iai. N te katabu, Mataniwi ni Kabuta a kabaea atibun te maninganinga ma te moota. Isaac B., ae 9 ana ririki, are e buoka katokaan te moota i aon atibun te maninganinga n te Kansas City Missouri Tembora.
Ataein te Moanrinan a anene ibukin Beretienti Gordon B. Hinckley ngke e roko ni katabua te Aba Nigeria Tembora.
Rawetamnei ( man te maing ): man ana mwannano Gilbert Arizona Highland Titeiki; man ana mwannano ana tabo n Tangoboki te Ekaretia n Rongorongon te Ekaretia ngkoa; man ana mwannano Richard N. Holzapfel; iroun Lynn Howlett; iroun Mabel ao Delbert Palmer; man ana mwannano Russell K. Anderson; iroun David M. W. Pickup; iroun Lori Garcia; iroun Gerry Avant; ao iroun Julie Dockstader Heaps; kamatata n te tamnei iroun Brad Teare