Kairake ni Mitinare a Karaoa te Mwakuri n Ibuobuoki n te Ekaretia a Kunea te Kimwareirei n te Mwakuri
Unimwaane Ernesto Sarabia e kabongana aia baeti mitinare ae roro ni katoa bong n ana mition. Ma mwiokoana n ana mition e onoti mairouia ake tabeman—Unimwaane Sarabia e beku bwa te tia mwakuri n ibuobuoki ni mitinare ibukia kairake n te Ekaretia (YCSM) n te Mexico Hermosillo Mition aobiti.
“Ti kina bwa e aki tau ibukia tabeman ara kairake n ataeinimwaane ao ara kairake n ataeinaine n rinanon rawawata n te namakin n te maiu n rabwata ao kakaewenako ibukin te mwakuri ni mitinare ae bwanin taina,” Unimwaane M. Russell Ballard man te Kooram n Abotoro n te Tengaun ma Uoman e taku. Ma aei, e taku, e aki nanonaki bwa a aki kona n ira waakin karekean taian kakabwaia man te mwakuri ni mitinare (“One More,” Liahona, Meei 2005, 69).
Unimwaane Russell M. Nelson man te Kooram n Abotoro n te Tengaun ma Uoman e taku, “Te mition bon te anganano ni mwakuri n ibuobuoki nakon te Atua ao aomata” (“Ask the Missionaries! They Can Help You!” Liahona, Nobembwa 2012, 18), ao iai riki kawai aika a mwaiti ni kanakoan te mwakuri n ibuobuoki anne.
Ibukia naake iai karineakia n reken angaia n tukaki man karaoan te mwakuri ni mitinare ae bwanin taina, ke ibukia naake a riai n okira mwengaia ni moantaai, te burokuraem n te mwakuri n ibuobuoki ni mitinare ibukia kairake n te Ekaretia, te burokuraem ibukin te YCSM e kona ni katauraoi taneiai aika uaana n te mition.
Baika a Kainnanoaki n te Mwakuri
YCSMs a riai n iai aia konabwai n te rabwata, n te iango, n te tamnei, ao n te namakin ni kona ni karaoi aia beku ibukin nakoaia, ake a bon tau nako iai.
Mwioko n te YCSM a kakaokoro man 6 nako 24 namwakaina ao ni kona ni karinanaki man te beku inanon uabong te bong n te wiiki ni mwakuri n ae bwainin taina. Iai taai ni beku inanon te komiunitee n ai aron naba ae man te mwenga ae konabwai ni mwioko n te YCSM n ikotaki ma te kakae n rongorongon te utu, rongorongo iaon rabakau, taan ibuobuoki n te mtion aobiti, aia auti ni kaiko bwai bitiobi, ao a bati riki.
Boutoka n te Utu ao te Nakoanibonga
Kaaro, taan kairiiri n te nakoanibonga, ao membwa n te Ekaretia a kona ni buokiia kaain te YCSM aika a konabwai ni katauraoi ni karaoa aia mwakuri ni mitinare.
Ana utu Titita Eliza Joy Young e a tia n riki bwa te boutoka ae korakora nakoina, n nikirakina nakon ao man aobitin te Ekaretia i Sydney, Australia.
Unimwaane Michael Hillam, are e mwakuri n te Tienta n Tibwatibwa i Hong Kong, e taku, “Au tia reirei n te tieminari n te moan ningabong ao taan kairiiri ibukia Kairake n Ataenimwaane a buokai ni katauraoi.”
Te Anganano e Uoti Kakabwaia
Titita Young e anganano irabong ana bong n aki mwakuri n ana mwakuri are e itera n tai iai ni karaoa ana mwakuri n ibuobuoki ni mitinare n te Ekaretia. E taku, “I namakina kaaniau riki nakon Tamau are i Karawa n atakina bwa I bon buokia.”
N ikotakin kakabwaia n te tamnei, te beku n te mwakuri ni mitinare n te Ekaretia e anganiia mitinare aika kairake aia tai ma te botanaomata ao aia mwakuri ae bongana. “Au mwakuri ni mitinare e a tia ni kaotia nakoiu bwa I kona ni mwakuri n te tabo are I aki tangira te buoka ae onoti,” e taku Titita Young. (E a tia ni mwakuri ngkoa n te tabo are e buobuokaki iai.)
E ngae ngke tiaki ni kabane kairake n ikawai ake a tangiria ni mwakuri a kona ni karaoia, te kekeiaki ae korakora e karaoaki ni butimwaeia kairake n ikawai aika a tau. Kairake n ataeinimwaane ao ataeinaine ake a tangiria ni mwakuri n te kawai aio a kona ni maroro ma aia bitiobi ke te beretitenti n te mwaanga, are e kona ni kakaai taai aika riai ibukiia.
Warekia riki n news.lds.org man kakaean “young church-service missionaries.”